منتدى استراحات زايد - كلمات - اغنية - شفتك حبيبي

"

"

شفتك حبيبي تناظر عينك بعيني
سرقت قلبي بنظرات عين لماعه
يا ذا الغرام اللي نور حبه سنيني
سحرني رمش العيون النعس و اطباعه
فيك المشاعر نهر يجري بشراييني
م اقدر اعيش العمر دونك و لو ساعه
اللي طيوفك تصبحني وتمسيني
اصبحت حاكم وانا المحكوم بالطاعه

في ضي خدك من البراق يضويني
فيك النقاوه و جمالن خزني اشعاعه
زينك كمل بالوصف م يحتاج تزيني
كأنك من الحور من راسك الى القاعه
لا غبت عني تموّت كل مافيني
و عيني لشوفتك طول الوقت طماعه
تذبل ورود المشاعر في بساتيني
عطني من احساس قلبك اصدق انواعه

جيت اطلبك ودي انك ماتخليني
ودي اكحل عيوني و امسح ادماعه
ابغيك دايم تحط ايديك بايديني
و تعيش وسط الخفوق و تسكن رباعه
ما شفت رعشه ضلوعي واللي كاويني
ما شفت قلبي عطاك خيوطه و شراعه
انت الوحيد اللي في هالكون يغنيني
ياللي ملكت الخفوق بشبره و باعه

άll ¢ǿpỳ яiĝħtš яέšέяvέđ » '3lα єlBαhяαin « _ мά7яǿǿм.¢ǿм