فكسار مايتحرك بالرمال ابد
 

السلام عليكم


يا أخوان انا معي فكسار قير عادي اليوم الصباح دخلت النفود والهواء 35

المهم العزم طايح لأبعد الحدود غرز الموتر وانا اعشقه بواحد وافك رجلي شوي

شوي ولكن اذا ارتفعت رجلي عن الكلتش طفا عاود المحاولة مع الدعس على البنزين بقوة

الضغط على 4 ولكن اول ماترتفع رجلي عن الكلتش يطفي على طول عشقت الدبل الخفيف نفس

الشئ نزلت الهواء الى 15 ونفس الحكاية .... المشكلة لايقص ولايحفر ولايفز الموتر ابد

المهم بالنهاية عشقته بالثقيل وقص لين طلع



الملاحظات على الموتر :

العزم طايح لابعد الحدود
الموتر عند تقويمه بواحد ولا اثنين لايرجف ولا ينتفض
الموتر تقريبا صافي بنسبة 95%
البنزين 91
*** أحيانا عند الاشارات احس الموتر مايمشي لين افك رجلي عن الكلتش مره



بس بصراحة الموتر اللي معي عقب سالفة العزم الله يدفع البلا لو اني على ددسن ان شاء الله ماحفرت عنها ولاغرزت ... قبل الفكسار هذا كان معي جكسار واتوماتيك ومكينته موليه ولكن فرق السما عن الارض نشيط واحسن مية مره من الفكسار اللي معي الان..

آسف على الاطالة ولكني احترت ومالي الاالله ثم انتم



دمتم بود