|
أنا ما تهت في حبّه لجل فتنة سواد العين كلامه + الضّحكه = نظرة إعيونه ( كلامه زايد الضّحكه يساوي نظرة إعيونه) أنا ما تهت في حبّه لجل فتنة سواد العين أنا تغريني الكلمه ..... فلا شكله ولا لونه أنا من روعة أوصافه خيالي تاه يجيه إمنين أشوفه كامل الأوصاف من ساسه إلى متونه وسواليفه تشتتني أنا مدري وصلت إلوين؟ سرحت بروعة حروفه وتاهت فكرتي دونه وضحكاته تبعثرني صداها في خيالي زين بكيت بدمعة العشّاق وهو يضحك على هونه كلامه ضحكته تجرح ونا ما أحتمل جرحين يحنّ القلب لا سولف وخاف الجنّ يراعونه كلامه ذوّب الإحساس مع ضحكه لقال أهلين وطلبته لا هرج يخفت فخاف الناس إيحسدونه إذا شفته نشف ريقي فما يرويني لو نهرين أنا ملّيت شرب الماي أبشرب دمعة إعيونه أنا مدري حياتي كيف دارت فيني قبل الفين؟ أنا عمري بدا من يوم هلّ الحب من مزونه بكى مرّه بكيت وشفت كل ضحكي عليّه دين كرهت الدنيا مع نفسي لجل دمعه من جفونه لا وخشى على نفسي يموت أو أفقده بعدين عسى ما عيش بعده يوم وكل الدنيا ملعونه |
ابدعتي روعه القصيدة مواضيع وقصايد رائعة نترقب الجديد الهآجس |
موضوعكِ فوق الخيال اختي الكريمه تمنياتي لكِ بالتوفيق والابداع |
هلااا أختي .. القصيدة رووووع ـــه .. مشكــووورة ع الطرح الطيــب .. الله يعطيج العافيه .. |
ناااااااااااااايس القصييده .. يسلمووو خيتووو ع نقل .. |
| الساعة الآن 07:14 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir