تجربتي: شراء طقم فحمات عن طريق الانترنت <div><div align="center">بسم الله الرحمن الرحيم السلام عليكم ورحمه الله وبركاته تجربتي: فحمات لسياره فورد فايف هندرد (تورس في امريكا) اثناء احد زياراتي لوكاله فورد في الرياض فرع خريص لشراء فحمات وبعد معانه طويله معهم في الصيانه وقطع الغيار وبعد ان مللت الانتظار في طاله قطع الغيار جاء دوري لأسال عن سعر فحمات سيارتي والذي يتغير كالبورصه ليجيبني العامل: قدام ولا ورا .. قلت: كله قعد يحسب شوي وبعدين رد : 780 ريال قلت: اصلي اكيد (تكاثرت السعر صراحه) قال: حق وكاله نمبر ون من امريكا قلت: هاته طيب امرنا لله قال: يجي بعد 3 يوم قلت: ليش يالحبيب؟؟!! قال: مافيه الرياض بس جده وتوكلت على الله وطلبتها ودفعت وانا منغبن من السعر ..وانا طالع من الوكاله بدأت افكار تدور في راسي ليش ما اجيب فحمات من برا .. يا رجال ما تضمن ... وبدت صور قطع الغيار في امازون ما تفارق خيالي وصلت البيت قلت خل اشوف وش الموجود في موقعهم يمكن اجد ضالتي فتحت مباشره موقع امازون وتوجهت لمطالعه الاسعار ... والله ويصير لي كذا من يطلع قليلا في السيارات يعرف انواع الفحمات الثلاثه المعروفه: 1- السيراميك: وهي الاجود والاغلى CERAMIC 2- الشبه معدنيه: وهي متوسطه الجوده والتي في الغالب يتم توفيرها من قبل الوكلاء وهي متوسطه السعر CEMI-METALLIC 3- المعدن: وهي الاقل جوده والارخص METALLIC وهذه مضروبه و تخرب الهوبات هناك نوع صديق للبيئه جدا غالي جدا (سأعرض الاسعار كلها لاحقا) قررت اختيار الافضل جوده وخاصه بعد ان رأيت الاسعار وهي السيراميك وبعدها المرحله الاصعب .. اختيار الشركه كان امامي 7 شركات تنتج كل انواع الفحمات لنفس السياره |
الساعة الآن 02:26 PM |
Powered by vBulletin® Copyright ©2000 - 2024, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir