|
راعي العجراء في منفوحه بالصور السلام علاكم ورحمة الله وبركاته اليكم هذه السالفه القديمه لتحريك الخيمه في يوم من الايام في الرياض ذهبت الى البطحاء قبل عام 90 13هـ http://s.alriyadh.com/2011/05/20/img/628179210307.jpg بالباص يوم كان سعر الراكب http://eroshen.com/upload/download.php?img=28 وبيتنا بالشميسي والدلوله مامن دلولا اضيع بسطوح بيتنا المهم اخذت لي اغراض من البطحاء على الحساب من شخص بالبطحاء يبع هيل وقهوه واغراض اخرى وباقي معي اربعه اقروش ثانيه حقت الرجعه واخوكم راعي العجراء يدربي هالدميجه معه الغريضات ويبي البيت وانا اروح لموقف الباصات اللي يصوت الشميسي واللي يقول الديره (سوق المقيبره من اول) واللي يقول الملز والمطار واللي يصوت لمنفوحه وانا اروح ادربي هالدميجه عند الباصات اتسمع اللي يقول الشميسي يقال اني اعرف اللي يصوت للشميسي فيه واحد يصوت لمنفوحه بجنبه والباصات تتشابه وانا اركب معه اشوي يوم كثروا الركاب وهو يشغل وعلى وين على منفوحه الوقت الحين ضهر وانا ماغار اتفرج على الطريق وشوارع ماشفته من قبل ومتكي على المرتبه وفاتح القزازه وفاتح كشرتي مستانس على التفرج اشوي يوم صحا راسي وش هالطريق الغريب علي قلت ايه يمكن بيروح ينزل الركاب ثم يروح للشميسي المهم وصل الباص عند اخر محطه له قال هه اشوفك ماودك تنزل قلت وين انزل قال خلاص انت واين تبي قلت ابي اهلي بالشميسي قال يا ؟؟؟؟ http://midnews.net/wp-content/upload.../01/Donkey.jpg لاصرت تبي الشميسي وش يركبك لمنفوحه قلت انا سامعك تقول الشميسي وراك هونت ورحت لمنفوحه انا ماعرف منفوحه اصلا قال اللي يصوت لمنفوحه التوبيس الثاني انا ماصوت يالله انزل لكسر عظمك خلني اروح اتغداء وانام من الفجر وانا بالباص وانا احول وعطيه اربعه قروش وجيك ماشي على رجولي بالضهيره وامشي واسأل عن الشميسي وكلن يوصف لي من جهه واغراضي فوق راسي وجوع وتعب ولا قروش اهلي انشغلوا علي وين راح ويش صارله امي تصيح على ابوي كله منك ليه ترسله وخذ عاد كل عرف سالفتي من جيران واقارب كل اللي حولنا يوم طلعوا من صلاة العصر وانا ادخل البيت اسحب رجليني من التعب وش السالفه وحكيت لهم السالفه من طقطق لسلام علاكم http://www.hayah.cc/forum/imgcache/53402.png http://www.g.abunawaf.com/2011/3/11/ff4/i70kxz.jpg http://www.waraqat.net/2009/01/ryadh_zmaan24.jpg http://www.wheelerfolk.org/military/...j/13_16kha.jpg http://www.wheelerfolk.org/military/15old/15_08old.jpg وللمعلوميه ابوي الله يرحمه مايرسل الا انا انا اكبر اخواني وادربي هالدميجه انتهت السالفه وارجوا ان تحوز على رضاكم والسموحه على القصور تحياتي للجميع وقبل الختام سبحانك اللهم وبحمدك لااله الا انت استغفرك واتوب اليك |
| الساعة الآن 11:27 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir