منتدى استراحات زايد - سالفة:دعوه مستجابه..قوافي

السلام عليكم ورحمة الله وبركاته

حياكم الله جميعاً

مشرفينا الكرام واخواني الاعضاء واخواتي وزوار مكشاتي الحبيبه

سمعت سالفه من احد احبائنا كبار السن عن رجل اصابه الشلل من الم المفاصل و الروماتيزم واقعده عن العمل وهو لايعرف غير مهنة الفلاحه ولم يرزقه الله إلا ببنت واحده و4 اولاد لكنهم صغار ولايعتمد عليهم وحدهم ..

فصار ياخذها كل يوم للمزرعه ويعلمها الزراعه مع اخوتها حيث انها اكبر من الاولاد سن وعلى قدر كبير من الدرايه والحكمه..

ومع الوقت صار معها خبره بوقت البذر والسقايه والسماد والحصاد واصبحت مع اخوتها يد واحده تعمل لمصلحة الجميع ..

وكانو يروون الزرع بالمبادله بينهم وبين المزرعه اللي جنبهم كل واحد له وقت محدد للسقي من قليب بين المزرعتين.صاحب المزرعه الثانيه احيانن ما يمديه يسقي زرعه كله فكان ليمنه جا الدور لأبو البنت يسوي نفسه ناسي تحويل مجرى الماء يومنه قضى امس ويتركه يصب عنده..

قامت البنت وشكت لإمام المسجد ما يسوي جارهم وعقب ما انتهت الصلاة اخذ الامام الرجال وكلمه وانه لازم يلتزم بالامانه ويصك الماء من عنده حتى جاره يسقي زرعه ..

الرجال حمق وحلف بقلبه انه ينتقم بأي طريقه وصار يترك حماره اعزكم الله يحوس بارضهم كأنه انفك لحاله ويخليه ياكل اللي يقدر عليه او يخلي كلبه يلاحق غنمهم ودجاجهم ويفزعهم والبنت تدعي عليه لانه عارفه انه هو ورا حوستهم..

بيوم شافته بالطريق وهو يمشي ويناظره هي واخوانه بنص عين قالت له ورا ماتخاف الله بنا تراي دعيت عليك من قلبي وانت وحظك قاله ايييييه عاد ما قبله الله إلا منتس ولين البنت شينه وكبرت وهي ببيت ابوها تزرع وتفلح وصارت ولا اطلق حرفي!! وبه نشاط رجال!! وليمنه مشت طقت الارض بعرقوبه هزة الارض ..

وعقب كم يوم وتقابله مره ثانيه بس هم بطريقهم للبيت وهوبطريقه ومن غير كلام ..

تكررت السالفه وصارت مهيب صدفه والرجال كل يوم يدعي ربه عقب المغرب انه مايقبل دعاء البنت عليه وانه خايف من شي بدا يحسه ومنهبل لاتكون دعت عليه يعرس عليه ....

ومثل ماحس قلبه انه به شي بيصير ما درا إلا وهو برجلينه رايح يخطبه ولا يدري وشلون راح غير انه يمشي برجلينه وصارت ام عياله وتسقي ارض ابوه يوم وارض رجله يوم وهو كل ما شافه رايحه ولا جايه قال @اللهم اني استغفرك واتوب إليك @

تحياتي

اختكم

..قوافي..