منتدى استراحات زايد - بــــــــريانـــي ديـــاي الــمــــلون

http://www2.0zz0.com/2009/04/04/06/224092763.jpg

المقادير والطريقة:

اول شي تاخذين صدور دياي وتقصصينه مكعبات وتبليه بليمون وخليه منقع فيه فتره مابين نص ساعه الى ساعه وشيليه من الليمون.

حطي زيت بجدر كبير واقلي فيه الدياي وقلبه لما يتغير لونه قصصي بصله وفصين ثوم وقطعه زنجبيل وحطيهم على الدياي وحمريهم مع بعض لما يحمر البصل حطي هيل ومسمار ( قرنفل) وورقه غار وقلبهم مع بعض وحطي عليهم ملح وبهار المجبوس واخر شي حطي حبتين جزر مقصصتهم مكعبات وقلبيهم .

اخر شي حطي تفريبا قلاص ماي حار وخليهم يطبخون 10 دقايق سكري النار

سلقي عيش بس خليه حبه وحبه لاتخلينه لين وصفيه من الماي

شيلي من العيش تقريبا اربع اكواب وبقيه العيش حطيه على طبقات بالتناوب مع الدياي ولاتنسين حطي بقاعه الجدر شويه زيت وفوق العيش بعد
وحطيهم على حديده بنار هاديه

نقعي زعفران بكوب ماي حار
نقعي صبغه خضرا مالت الاكل بكوب ماي حار

حطي منقوع الزعفران بجدر صغير وحطي عليه كوبين عيش وقفشه صغيره زبده وقصري النار عليه
وبجدر ثاني حطي منقوع الصبغه مع كوبين العيش وهم قفشه صغيره زبده على نار هاديه

حمس شرايح بصل بزيت لما تحمر شيلي البصل وحمسي صنوبر وبيذان وحمريهم واخر شي حمسي الزرشك الي تكونين غاسلته من قبل ومنقعته بشويه ماي وانتي تحمسينه حطي عليه قفشه عصير ليمون وقفشه ماي زعفران وحركيهم مع بعض تشوفين لون الزرشك شلون يسير احمر وريحته تبط
نجبي العيش بقنجه كبيره وحطي عيش الزعفران على جنب والعيش الاخضر على الجنب الثاني او رتبيه حسب ذوقج