جيتك وأنا ضايق وتايه ومقهور
 

:السلام عليكم ورحمة الله وبركاته
بسم الله الرحمن الرحيم


من دون أي مقدمات

أطرحها وأتمنى أن تنال إعجابكم


جيتك وأنا ضايق وتايـه ومقهـور
من ظيـم عفنيـن ٍ رخـوم ٍ رديـه
الوقت منصفهم وصاير لهم شـور
وأنا همومـي وسـط قلبـي خفيـه
كم طعنت ٍ بالظهر من كف ديجـور
يالله عساهـا طعونهـم لـي نديـه
ما همني مخطي ولا شخص مغرور
ولاهمني من كـان راعـي خطيـه
ياكود نفسي ما يجي فيني قصـور
ولا يجيني شخـص يخطـي عليـه
أمشي طريقي دايما نور فـي نـور
وأبعد عن المنقـود وأهـل الرديـه
وهموم قلبي مبعدتني عـن الجـور
ماغيـر أنـا والظلمـه السرمديـه
ما عندي إلا مرحبا فيـك مشكـور
إقلـط تقهـوى يـا عساهـا هنيـه
وإلا هلا وأهليـن والـورد منثـور
إرحب بها مـن طيبهـا نرجسيـه




وسلامتكم

تسلمين اختي على الكلمات الرووعه

وعيبني ها البيت وايد

ياكود نفسي ما يجي فيني قصـور
ولا يجيني شخـص يخطـي عليـه

السلام عليكم ورحمة الله وبركاته
صح السانك اخوي

شـكــ وبارك الله فيك ـــرا لك ... لك مني أجمل تحية .

صح بدنك خليفه بس بغيت اقول لك شي انا مو ريال انا بنت