قصتي مع طرح الشيهانه الوافيه
 

السلام عليكم ورحمة الله وبركاتة. اما بعد حبيت اذكر لكم قصتي مع الشيهانه الي طرحتها يوم الاحد عشان الربع الي راسلوني يبون القصه بسم الله نبدا. طلعت بتاريخ 28 ميلادي ومزهب شغلي وعامل حسابي أني بجلس عشر ايام وفعلا جلست عشر ايام وفي اخر يوم الله رزقني فيها المهم الساعه 3 العصر اتصلت علي أمي الله يطول في عمرها اول كلمه لها صليت العصر؟ قلت لاوالله لي هالحين بس انتي ادعيلي ان الله يرزقني قالت صل واتصل علي وابشر بالدعوه المهم صليت العصر وتوجهت للمكان الي دايم اجي فيه ونسيت أمي واتصلت علي الساعه 4.40 دقيقه قالت ها عساك صليت قلت الحمدالله صليت ودعيت ان الله يطول في عمرك قالت كلمه وحده الله يرزقك وقفلت الجوال ولقيتلي شباب شرواكم صقاقير وجلست اتقهوا معهم عشر دقايق وانا طالع منهم حول 500 متر ول هي علي يساري اقول في قلبي هذا عقاب ولا وشو المهم حطيت الدربيل مابين من ظهره قلت ابجي قدامه يمكن يطلع طير يوووووم جيت قدامه ولا يازين بياض صدرها ووجهها والله يالربع ماشفت بحياتي مثلها المهم قلت يمكن طير واحد من الشباب الي تقهويت عندهم الانها جنبهم بالضبط وادربل عليها ولا ماعليها سبوق ولا حجل قلت اشوي اول مابشرت الوالده الله يطول بعمرها يمممه بلهجه عتيبه ياااااه لقيت طير أبشرك وعانيه قدامي قالت طرحته قلت لا قالت لا تستعجل ان شاء الله من نصيبك المهم وفك حمامه ولا هد وافك الحمامه الثانيه ولا هد وافك ثالث وآخر حمامه ولا هد مابغي غير الجربوع وحطه قدام خشمه ولا جاه الكلام هذا قبل المغرب بشوي قلت مافيه الي امرح عندها واتصلت علي رجال ياولد لقيت طير وأبي فزعتك قال والله انك فاضي ورانا دوامات وانت جايني تقول طير واتصل علي الثاني وقالي يارجال اضرب 160 كيلو عشان طير أخير شي اتصلت علي رجال عدواني قلت يابو خلف طلبتك وقل تم قال تم قلت ياخوي لاقي شيهانه وتكفي أبيك تساعدني عليها قال ابشر بعزك الي يوم رجعت الروح فيني الان مقدر اتعدا مكانها وعقبها دخلت منتدي مكشات الي وكتبت موضوع وقلت ادعولي تكفون الان صحيح كنت محتاج الدعوه من الوجيه الطيبه المهم جا خويي ومعه حمام وحميميج وقلت ل وخويي مر علي فلان يبيع حميميج وقله بوصقر يبي حميميج اثنين وفلوسهن علي الراتب يشهد علي الله ان ماكان معي الي 11 دينار للبنزين يعني 150 ريال المهم خويي نام وأنا مستحيل انام من كثر مافكر فيها صحيت خويي الفجر وصلينا والرجال يقول اصبر نبي نتقهوا قلت والله انك فاضي القهوا لي طرحنا الطير امش بس المهم رحنا سيارتين وضيعت مكانها قبل الفجر بشوي صلت يابو خلف خلك مكانك وبروح أنا ادور مكانها وإذ لقيتها بكبسلك بالنور قال اوكي خليت بسيارته حمامتين مشبوكات وجاهزاة المهم بعد معانات لقيت محلها الاني ممرح عنها بعيد شوي بالجهاز يابوخلف أبشرك لقيتها ها العلم موجوده قلت إيه موجوده قبل لا يجي احد ابفك لها الحميميج عليه نقل وانت خلك بعيد وشوفني بس قال فك حمامه احسن قلت. ياولد النقل افضل المهم غلطتي سمعت كلامه وفكينا حمامه ولا جتها بغيت ابكي من القهر المهم قلت مافيه غير الحميميج وانا أفكه الي يوم راحتله تلاعبه وطبت جنبه وانا اقرب وافك الحمامه وجتها علي طول المهم حنا عبالنا انها علقت الي يوم فكتها وراحت طبت جنبها وفكينا حمامه ثانيه والحمدالله علقتها وهي بالجو الحق الحق يابوخلف المهاد المهاد نفتح الشنطه ولا المهاد مهاد شبوط هههههههه مايركب والله يارياجيل من كبرها واجيب غترتي وامهدها ونطلع علي الخط ونلقا طاروح اشهد بالله انه رجال مطيري قلت ياولد نبي مهاد قال ابشرو ونزل وشاف الطير قال هذي شيهانه قلت ياولد هذا ماني متأكد الاني مسكتها وبرقعتها علي طول قال هذي شيهانه وابشرو بالخير أطيب شيهانه طرحت بتاريخ الكويت وانا اجي واحب راسه وقلت بيض الله وجهك ومهدها لنا ومشينا فيها للمكتب وبكره اكمل سالفه المكتب وشلون بيعت وياجماعه هالله هالله برضي الوالدين تكفووون ومع السلامه اشوفكم الجزء الثاني ×