مضغوط بطريقه غربيه شوي
 

اقدملكم طريق غريبه شوي لمن مضمونه 100% لعمل المضغوط
المقادير :
1: لحم ويفضل يكون اللحم دسم اودجاج مقطع ارباع
1: ثلاثه اكواب رز
1: ماء ثلاثه اكواب ونص اواربعه على حسب نوع الرز
1: بصل مقطع شرائح
1: حبه واحده طماطم مقطعه شرائح
1: جزر مبشور
1: ثلاث حبات هيل 2اعواد قرفه خمسه اوسته فلفل اخضر حار بدون تقطيع

الطريقه : نغسل اللحم و يقطع ويرص كطبقه اولى غي قاع القدر
نغسل الرز بدون تنقيع ونحطه كطبقه ثانيه فوق اللحم
نحط البصل والطماطم والجزر والهيل والقرفه والفلفل الاخضر والملح الناعم فوق الرز كطبق ثالثه نصب المويه الحاره في قدر الضغط فوق الطبقات كلها وحاول متتلخبط الطبقات يتم اقفال القدر باحكام ووضعه على نار عاليه حتى الغليان (يطلع صوت صفارة قدر الضغط) بعد كذا يتم ارخاء النار على اخر حد وتترك من 20الى 30 دقيقه
بعد كذا نطفي عن القدر ونفتحه ونشوف النتيجه النهائيه خراااااااااااافيه
انا بصراحه معتمده هذى الطريقه في البيت والبر وصرت ما استغني عنها
الطعم يقارب طعم المندي اللي في الحفره وهي تقربيا نفس طريقة المندي بس بالمقلوب
واعتذر لاني مانزلت صور لاني توني جديده فالمنتدى واتعلم وانزل الصور بإذن الله
يمكن تستغربون الطريقه شوي بس والله العظيم طريقه احترافيه واغلب اللي سووها اعتمدها لانها مضمونه وبنفس الطريقه اسوي الرز البخاري الطائفي :f