منتدى استراحات زايد - من يراجع لي القصيدة

هذه أبيات لأحد الزملاء طلب مني مراجعتها

وقصتها أنه ذهب إلى حي قديم من أحياء الرياض

ورأى ما يبكي من الأحوال

فجادت قريحته بانفعالات وشعور بالأسى

يقول فيها

مريت حي العود حول المقبرة == فقر وتعاسة والحقوق المهدرة
ناس تشوف الموت قبل الغرغرة == والجوع كافر وما به من يعين

جيت شايب واقف جنب داره == بويت طين مبتلش في أجاره
ومكتب عقار مشتكي للأمارة == والتاجر يهدد بطرده من الطين

يعول تسعة وامهم مع خواته == وابوه ميت وتارك له وصاته
أحرص على ديني وأقرا ثباته == ولياك تنساني بذبح الضحيتين

ومتدين الددسن لاجل الكداده == تسعين موديله وخربان عاده
وزود على همه ولا يوم فاده == ومخاشره ساهر حتى فالريالين

بكره من عياله محاكم ومسجون == على قضية سرق غاز وطاحون
وبحقها يشري علاج لحنون == اخت كفيفة ومقعده من زمانين

ثم أقبلت بنت حزينة بمريول == لاقيه أخوها عند برميل منطول
قالت لبسته ضيق وراهي الطول == وفي المدرسه كل يناظرني بعين

يا اخوي أنا مليت من ذا الدراسة == ذا الفقر ذابحنا بسيفه وفاسه
وطموحي العالي ذا الفقر داسه == وبذوق ما ذاقوا خواتي من سنين

فجأة تبسم لي وجه المسرة == يوم فتحوا بيبان ذيك المبرة
لا والله اللي راح يوم المضرة == استبشروا يا عيال بنوم شبعين

أتمنى من العارفين مراجعتها وتعديلها لأني ألاحظ اختلاف بحر بعض الأبيات وانكسار الوزن في بعضها