السلام عليكم ورحمة الله...
اخواني المكشاتيه يوم الجمعة بالليل كنت انا واهلي بالبر بالثمامة وتحديدا ورا الهرم الصغير وبينما انا مشغول في تقليب بعض الحاجيات في شنطة الموتر الا واسمع المدام تقولي ثعبان ثعبان وعلى طول جيت وقلت لهم اركبو الموتر واخذت الكريك الصغير وقربت عليها شوي شوي واثرها راكدة ولابدة في محلها مافي لا قشع ولا اي نبتة حولها يعني فوق الرمل وباقي شوي على جلستنا انا والبزارين المهم سميت بالله الرحمن الرحيم وعطيتها ضربة وحدة بحافة الكريك والا راسها طاير عنها بعدها انتظرت الين تاكدت انة الخطر زال ونزلت الاهل وقلت لهم تعالو شوفوها المهم الغريب اني لقيت ابرتين صغيرة في ذيلها في الأخير واشوا اني ما راحت ايدي عليها .
السؤال هنا اشلون تطلع الافاعي في وقت بارد كان الجو بارد مو حار وعيونها كانت صغيرة مرة يالله شفتها .
وفي الختام ادعو واقول الله يكفيكم ويكفينا شرها يارب يا كريم .
وهذا مقطع لها صورتة بعد قطع الرأس وبرضو يتحرك رأسها .