مستشفى عنيزه والحقيقه المره......صقار الأسياح
 

السلام عليكم ورحمة الله وبركاته
اخواني اسبشرنا خير وفرحنا بافتتاح مستشفى الصقور بعنيزه العام الماضي وقمنا حتى بالاعلانات عنه بين الصقاقير لدعمه لانه يريحنا من تكبد عنا السفر للرياض لعلاج الصقور وبعد افتتاحه تعالت الاصوات بين من يكيل المدائح وبين من يكيل الشتائم وهم الاكثر ولم اكترث للاثنين وحاولت ان ارى واتأكد بنفسي واتضح الكثير والكثير من ان المركز قائم على البيطريه الحوانيه فقط وحب المال ولو بالجشع على حساب الناس وطيورهم
1-ذهب احد اخويانا للمركز للكشف العام على طيره وبعد الكشف قالوا فيه التهاب بالاكياس الهوائية نسبه بسيطه وهي توجد بكل الطيور ولا كن اعطوه علاج كبسولات حاولت البحث عنها فوجدتها علاج السرطان للاوادم حمانا الله واياكم وتوجد بالصيدليه البشريه اربع حبات ب49 والمركز يوزع الحبه الواحد اكثر من 10 حبات ويبيع كل واحد من الموزعات ب120 يعني احسبوا معي 4 حبات في 10 ب 40 و40 ب120 =
2-ذهب احد اخويانا بطيره فيه قلاع دخل عندهم استلموا طيره قال للدكتور اذا خدرتوا طيري نادوني ابا اطلع عليه بعد شوي ناداه الدكتور قال تعال شوف طيرك سليم مافيه شي دخل لقاهم مخدرين طير ثاني ماهو طيره وطيره على الشبه اخذ طيره ومشى
3- انا شخصيا مريتهم قلت ابي حبوب ديدان عطوني حبتين ب20 ريال الحبتين مكسورات من حبه كبيره حصلتها بالصيدليه اربع ب 5 ريال وهم موزعين الوحده 10 حبات او اكثر
والقطعه ب 10 ريال
هذي نماذج مما حصل وانا لم اكتب هنا إلا لتوضيح التلاعب الحاصل بمستشفى عنيزه للصقور وضعف الخبره لديهم ومحاولة الكسب المادي باي طريقه كانت وهذا فيه جشع ولعب على الناس مع ان عندي ادله اخرى لم اكشفها وسوف اكشفها بالوقت المناسب وانا احذر الصقاقير من هذا المركز ولم استعجل بفضحهم وانما من العام الماضي وانا ابحث بالادله
واخيرا جميع ماقلت انا مسئول عنه امام الله وبالادله القاطعه للشك وجميع الاشخاص الذين ذكرت انهم ذهبوا للمركز موجودين ومن صقاقير القصيم المعروفين
اخوكم /نايف بن شليويح الحربي