منتدى استراحات زايد - لو الدموع تفيد فادن الأيتام . . ولو الكلام يفيد عادت فلسطين .

محمد بن فطيس المري . .. .
. .
. .
الحب مثل النوم والوصل الأحلام . . والشين من الأحلام صدّ المحبين . .
نومٍن طويلٍ عمره شهور وأعوام . . وإن قمت ؟ فأفهمها فراق وسهر عين . .

وأنا رقدت وعمري أربع عشر عام . . وصحيت في شهر أربعه عام الألفين . .
نومٍن ثقيلٍ كلّه أحلام و أوهام . . ونصيبي من أحلامي الجانب الشين . .

صحّى الفراق قلوب في عكسه نيام . . وغاب الفرح وأنا بعكسه إلى ألحين
يا حزن تبدي الحزن من ضاق ثم حام . . إخذت فروخه ما درى ليه ولوين . .

بعد ما شاف العشّ عيدان وعظام . . خالي تفكّر فوق ويسار ويمين
خلا عشاها فيه ومن الوطى شام . . زبن على روحه وفلّ الجناحين . .

و يا وجد حالي وجد من نام ثم قام . . على صياح أمّه وهو دون رجلين
عويق وأمّه تنعته والنعت سام . . وهو خابر إنه يقسم الصفّ صفّين
. .
حبا وصاح بصيحتن ٍ تاصل الشام . . منها تقطّع في خفوقه شرايين
على وليفن ٍقسّم أظنوني أقسام . . وأقفى وأنا ما أعرف طرد المقفّين . .

راح وترك في صدري وسوم وأعلام . . وصّى عليّ طيفه وقفّى بقلبين . .
ليته تعذّر كان ماهو بمّنلام . . بعد ما شاف الدرب بيصير دربين . .

أشوى عليه شوي من عضّ الأبهام . . وأشوى علي شوي من دمعة البين . .
تمشي بنا الأقدام والموت قدام . . وميعادنا يا مفرّق إثنين بعدين
. .
يا عين لا تبكين وعيونه تنام . . عادش إلى ما خاب ظني بترضين
لو الدموع تفيد فادن الأيتام . . ولو الكلام يفيد عادت فلسطين . .

}} ولو النبات يطّلعه دمعة هيام . . شفتوا على وجهي ورود وبساتين {{
الحب سجن وبعد الأحباب الإعدام . . وقلوبنا السجّان مدري مساجين . .

الحب نوم ٍ عمره شهور وأعوام . . وإن قمت فإفهمها فراق وسهر عين . .
وأنا تراااي أنع ست من مدّة أيام . . لحدن يصحيني يالأقدار . . تكفيين !!

. . . . .