بسم الله الرحمن الرحيم

السلامـ عليكمـ

يا اخوان أنا عندي هايلوكس غمارتين و ناوي أركب لها مكينه 2JZ-GE اللي هي البخاخ بدون توربو - بنظام كويلات و ليس ديلكو / مع تركيب القير الصغير الـw58


لكن خايف انها ما تضبط و اخاف اكثر ان الدفرنس بيكون هو القروشه خصوصا اني امسك خطوط على سرعات عالية و بشكل دايم يعني تقريبا يوميا و الهايلكس اللي معاي مكينتها 2000cc و اذا مشيت 150 الا هي بالخطوط الحمرا و عزمها ضعييييف مرة سواء بالقومة او الخط و الله يا انها تقهر و تفقع القلب

و غير كذا انا ناوي طلعات للبر اذا جاء الشتاء لكن بالمكينه ذي مافيه امل

أنا ودي احد يفيدني خصوصا المجربين و الخبراء هل تضبط المكينه ذي على الدفرنس حق الهايلوكس؟ و كيف صرفية البنزين؟ و كيف المكينه في الخطوط و على السرعات العالية مع القير الصغير؟ و وش وضعها مع الحرارة؟
و اتمنى اذا فيه احد مركبها على الهايلوكس يفيدني كم اقصى سرعه لها عى كل الغيارات يعني بالاول كم اخر شيء تجيبه و بالثاني كم و هكذا في كل الغيارات

اعذروني على الاطالة لكن انا خلاص صملت و ما بقى غير اني استشير اهل الخبرة و المعرفة

أرجوكمـ أفيدوني و أسألوا اللي تعرفونهمـ و مركبين ذا المكينه .. جزاكمـ الله خير