|
قصةحب اماراتيه :: سالم ما ادانيك روووعه ..لا تفوتكم .. كااامله .. قصة سالم ما ادانيك البــارت الاول: عايلة بوجاسم: عندهم 5 عيال: 3 بنات وولدين بوجاسم وام جاسم متقاعدين عيالهم: _ علياء : اكبر وحدة من بين اخوانها وخواتها ، عمرها 19 سنة، تدرس فكلية دبي ،البنت حلوة عيونها وساع وعسليات ، شعرها طويل اسود، والخشم الطويل.............. واللي يشوفها يقول هذي وايد شايفة عمرها، ودوم مسوية جو للبيت... جاسم : ثاني عيالهم ، عمره 15 سنة في المدرسة .... ثاني ثانوي ادبي ... شكله : طويل وحليومن يشوف بنية اتخبل عليها.... ودوووووووووم يظهر ما يتم في البيت سلامة : عمرها 11سنة في الصف الخامس ودوم متسلطة ع اختها عاشة ...عاشة: عمرها 9 سنينتشبه اختها علياء يوم هي صغيرة، ودوم اتضارب ويا سلامة كل وحدة تاخذ حقها منالثانية طبعا بعد الزعيج والصياح خليفة: عمره سنة يمشي اليدة ( امراشد) : ساكنة حذالهم، وكلهم ساكنين فدبي عايلة ( بو عبدالله): عندهم ما شاءالله 6 اولاد و6 بنات ف ام القيوينعايلة ( بوسالم) : عندهم ما شاء الله 8بنات و3 اولاد ، وعايشين ف ام القيوين _ سالم : اكبر واحد بين اخوانه عمره 23 سنة مخلص دراسة وجامعة ويدور ع شغل ويحب البنات يركضون وراه ( هذا شعاره فيالحياة) ومتكبر لأقصى درجة لانه حليو وشايف عمره وكشيخ درجة اولى راشد: عمره 19 سنة توة مخلص ثانوية عامة كانت علياء يوم هي صغيرة هي ويدوتهاكل عيد يسيرون عند اهلهم فام القيوين....... ويدوتها اتحبها وايد لدرجة اتخاف عليهامن الهوا الطاير........................ والحين ما شاء الله عليهامن قامتتكبر، امها ما تخليها قامت اتخاف عليها.............. علياء: امي دخيلجخليني اسير ويا امي العودة، حرام اخليها روحها!!!!! الام : ترى يوم ما تحصلحد سارت ويا اختها ، وش لج فهالسيرة؟ علياء: يالله امي اخر مرة الام: بخبرج انتي شو سالفتج، اشمعنى الحين تبين اتسيرين؟ علياء: دق فراسي اني ابااسير الام: ماشي سيرة علياء وهي متغايضة: ماعليه .... ماعليه!!! فكرت شو تسوي........... تبا تظهر........... يدوتها ما تقدر تقنعامها، كانت صدق ملانة وتبا تظهر ومحد عندها بيظهرها غير يدوتها سارت عندابوها : السلام عليك ابويه وحبته ع راسه بوجاسم : عليكم السلام.... اكيد تبين شي ما تين مني والدرب .... وخصوصا عليج هالابتسامة علياء: هههههابويه بغيت اسير ويا يدوتي وامي هب مخلتني بوجاسم : جيه امي وينسايرة؟؟؟؟؟؟؟ علياء: بسير عند اهلنا البدوان بوجاسم : سيري ما عليجمنها انا برمسها .. والله لو مكان ثاني جان ما خليتج.... وصلت عند البابوردت بوجاسم : فخاطرج حاية علياء: ههه ابويه بغيت فلوس حق الموتر ( وبدلع) بوجاسم : بخبرج جيه انتي ظهرتي ليسن وموتر من الوكالة وانامادري؟؟؟!! علياء: ياريت....................... بوجاسم : احلمي فأحلامج بتحصلينهن علياء: يالله ابويه الله يخليك عسب اجهزعمري بوجاسم : خذي هذي 1500 حق الشهر علياء: معاش بشكارة؟؟!!! بوجاسم: مب عايبنج ... رديهن علياء: لا خلاص ... خلاص باسته ع راسه وظهرتسارت عند يدوتها اليدة: ها عليوه وافقوا علياء: هيه امي وافقوا اليدة: نشي من الساعة 6 علياءاعنبوا يا امي من القايلة؟ اليدة: تمي في البيت عيل علياء: لا خلاص اخر مرة ردت علياء البيت والام محرجة منها الام: عليووووووووه تعالي هني دهديه علياء: نعم امي بغيتي شي الام : شوفي ابوج علمني .... لكن هذي اخر مرة اتسوين شي من ورايه فهمتي ولا لاء؟ علياء: على راسي كلام الزعيم والزعيمة الام : عن قلة الادب احشمي وارمسي عدل علياء: ان شاء الله عمووووووووووووووووووووه الام: شوفي يوم بتسيري هناك ما اتحطين مكياج وايد...... خففي من هاللغواط اللي فويهج ومب تلبسين بنطلون يا ويلج وسواد ليلج ...... البسي تنورة وقميص او جلابية .... ويا ويلج ان اضاربتي وياهم ، بحش ريلج حش واسمعي كلام يدوتج علياء تقاطعها : حشا دستووووور قوانين هب نصايح الام: عيل جرّي مكانج ما شي سيرة علياء: يالله خلاص .... على عيني وعلى راسج سارت اتجهز اغراضها لأنها بتم عندهم يومين واصلا عندهم عرس هناك.. |
البــارت الثاني: راحت تنام من الساعة 12 لانها كانتمتعودة تنام الفجر تصلي وتنام ........... دوم اتطالع هالتيلفزيون والمسلسلاتالاجنبية والمكسيكية المهم يت البشكارة اتوعيها الساعة 6... بطلت الباب كأنحد هاجم عالغرفة فبطلت عينها من الزياغ واتقول: بسم الله شومستوي؟!!!! وانها اتشوف الخدامة عند الباب : ماما قومي علياء ما سوّتعاب وطاب .... شافت النعال تحت شلته وفلعتها وقالت: عنبوج ما اترومينتفتحين الباب بالراضة مثل خلق الله ؟؟؟ ما عليه يا مسودة الويه انابراويج ... انفدي عن ويهي والمشكلة انه الفلعة ما يت عالهدف لانه البشكارة وخت منالزياغ والتحليف اللي ياها قامت سارت اتغسلت واتوضت وصلت وحطت جحال خفيف ( اونها تسمع كلام امها) لبست ملابسها وعبايتها وشيلتها .... نزلت تحت ادخنتواتعطرت والبيت هادي ماشي زعيج فيه..... وسارت عند يدوتها ثرها يدوتها فيالسيارة اتضرب هرنات عسب عليوه علياء: يالله بصباح خير بسج من الهرنات ..... الدريول توة يديد ما يفتهم عن اتعلمينه هالسوالف!!! اليدة: وينج انتي كنتبروح عنج علياء: توني نازلة اليدة: ياللله بابا اتحرك ..... توكلناعلى الله يوم توهم طالعين من البيت علياء: وقف !!! وقف!!! اليدة : اشبلاج؟؟ علياء: اويييييييييه ...نسيت شنطتي عندالباب من يولة الهرنات اليدة: حسبي الله ونعم الوكيل .......... خلينا انكملماعليه البسي خلجاني علياء: امي انا البس خلجانج ههههههههههمستحيل اليدة: اشعنه والله مب من مقامج يالدانة علياء: لا مب جيه بسامي بتظهر علية مشنجلة ( قصيرة) اليدة: لا حول لله .......... بابا ردالبيت الدريول : ها .. ها... ماما اليدة: بابا رد البيت ... بيت مالانا بيت ... مافي معلوم علياء: دريول واصمخ اكملت الدريول: ما فيمعلوم ماما اليدة: ما مداك .... عنبوا اموصاي ومدلينك!!!! اليدة: علياء دليه البيت علياء: جيه انتي ما ادلينه .... اعترفيليش؟؟ اليدة: حلجي يعورني ثرها روحها اليدة ما اتدل علياء: ههههههههههههههههه علياء: بابا سير يمين .................... لين ما وصلواالبيت نزلت خذت شنطتها وركبوا الموتر علياء: ياللله بابا لينيوصلون هناك يبالهم 45 دقيقة .... بس ذكاء الدريول خلاهم ساعة ونص يدورون علىعمارهم.......... وطول الوقت الدريول يطالعها ويغمزلها واليدة فخبر كانراقدة .... وهي طبعا لسانها ميودتنه عسب..... يوصلون عندهم بالسلامة ويوموصلوا نزلت اليدة وقالت له : نزل الاغراض وروح البيت الدريول: مافيمعلوم اليدة: انزين عيل تم هنيه ومب اتسير مكان ثاني يا ويلك ....... عليوهانزلي وصلنا علياء: اسبقيني يايتنج بنزل اغراضي يوم شافت يدتهاسايرها نزلت من الموتر وهي واصل الجايج عندها 180 درجة علياء: اييييهانه يااللي ما تسوى شي ، جيه اتطالعني من الجامة .... ما تستحي عويهك؟؟؟ الدريول: ما في معلوم علياء ترجمت كلامها كله بالانجليزيواتفاتن وياه ) عند اليدة) اليدة: السلام عليكم ... هود هودوينكم؟؟؟ ام عبدالله: اقربي ... اقربي اليدة: حد غريب؟ محمد : اقربي يدووه وبوعبدالله: اقربي اقربي حيا الله زارتنا البركة محمدقام وحباها ع راسها: اشحالج يدوه؟؟ اليدة: بخير الحمدلله .... اييه يا حافظاتريجوون .... يالله مغوات خبز الرقاق ويالدهن ام عبد الله : سمي بسم اللهوحطي ايدج وكلي وفجأة يسمعون الدريول يزاعج اليدة: بسم الله شو ها؟؟دخيلك يا محمد سير طالع شو بلاه هالخبلة الدريول |
البـارت الثالث: محمد سار يطالع شو مستوي وانه يشوف وحدة عاطية ظهرها له واتفاتن عالدريول ولكن شو صوتها ..... دخل الصميم ... والدريول.يطالعهاوزايغ ويقوللها: ماما ردي مفتاه مال انا علياء: اتهبي واللهلكنسل ويزتك .... احين تبا المعاش؟!!! جان حللته بشي زين هب شين!!! وصدت تباادش البيت اتشوف فويهها محمد .... هو انصدم انه شاف وحدة عليها جمال ماشافهفحد ... وهي يوم شافته احمرت واتقول فخاطرها هذا من متى موجود؟؟ اكيد سمعكل الكلام ... ويييييييه فشلة علياء ومنزلة راسها : السلام عليكم محمد: عليكمالسلام والاكرام ... ما شاء الله شو مستوي ... ليش يزاعج الدريول؟؟ علياء: خله عنك ما عنده سالفة..... وين اميه؟؟ محمد : منو امجالغالية؟؟ علياء:عن الاستهبال يا محمد وين امي العودة يوم لفظت اسمهحس بنفضة فينبه محمد: اسمحي لي الغالية ما عرفتج .. منوانتي؟؟ علياء: انا علياء بنت خليفة بنت خالك محمد وهو منصدم: والنعم فخاطره هذي اللي ألعب وياها من زمان طلعت حورية وانامادري!!!!! علياء: ينعم بحالك محمد: يدوه هناك داخلاقربي علياء: امممم قريب هي تمشي وهو يطالعها ... حست انه هو يطالعها .. حليلها يوم وصلت عند الباب اتخرطفت من النعول المصففة محمد: سلمتي .. سلمتي!! وعلياء ويهها محمر واتقول فخاطرها: الله يغربل هالحالة .. ما تسوىعلية هاي السيرة يوم هالسوالف تستويلي!!! دشت وسلمت ع يدها و على ام عبداللهوقالولها تتريج وهي ماطاعت يوم هذاكي مشغل كشافاته عليها بس شربت قهوة عسب ماتنحرج ومع انها ما تداني القهوة ولا اتطيقها بعيشة الله وبصوت خفيف: مرة!!! عنبواما ايحطون سكر فيها!! ومحمد من وصلت وهو حاط عينه عليها... يوم خلصوا قاموا ... ومحمد ما وده يسير لكن امه حوشته هو وابوه.... يو البنيات عشان يسلمونعليهم واليدة ما اتروم اتقول شي بس من خاطرها متحرقصة .. شو سالفةالدريول؟؟؟ وعقب نست السالفة علياء يلست ترمس ويالبنيات وظهرت وياهنيتحوطن في السكيك ... كان امان ما يوصف بس كانوا لازم يتغشون وهي لا... لانها مب منعوايدها انها تغطي ويهها الا اذا كانت حاطة مكياج وايد |
البـارت الرابع: ويتهم عقب شيخة بنت خالها: السلام عليكم ،منووه ؟؟ علاية؟؟؟ زارتنا البركة علياء اتوايهها: عليكم السلام.... اشحالج شويخ؟؟ شيخة: يسرج الحال.. وينج من زمان ما شفناج يالقاطعة شيخةاتكون اخت سالم علياء: موجودة والله مشاغل الدنيا شيخة: جنج معرسةوانا مادري؟ علياء: الله لا ايقوله .. لا زواج ولا شياته دراستي اهم منهالخرابيط شيخة: هذا الكلام العدل وبعدين لاحقين عالزواج.... القطار موجود و يتريانا البنات يضحكون عاد كل وحدة قامت اتعزم عليها انها تي بيتهم .. وحدة على ريوق والثانية على غدا والثالثة على عشاء وهي مستحية منهم... وفي شي نسيت اقوله الكم انه اخت شويخ هي اللي بتعرس شيخة: شوفو اليوم علايةبتتغدا عندنا وباجر بعد سلامة ربيعتهم: يالطماعة مايستوي ليش عاد نحن شوبيبقى لنا وقت وياها؟؟ شيخة: اليوم اميه طابخة الغدا حقها خصوصيوباجر لانهالعرس علياء: اعنبوا شوي شوي علية سلامة: حار ب حار سارواالبنات بيوتهم وعلياء وشيخة ساروا البيت يوم وصلوا علياء وايهت امسالم ام سالم: يا مرحبا وسهلا زارتنا البركة علياء: اشحالجخالووه وفجأة يدشون الصغارية وعلياء اتحببهم وحوشتهم شويخ شيخة: يالله برع فكونا من حشرتكم علياء: خليهم حرام هب مسوين حشرة شيخة: خليهم.... روحهم طفرة ام سالم اتطالع علياء ام سالم: ما شاء اللهعليج يا علياء كبرتي وحلويتي شيخة: امي دبي محلتنهاهههههههههه علياء: الله يسلمج يا خالوه بس محد يقدّر وفنفس الوقتاتطالع شويخ ام سالم: علاية اتعرفين تطبخين؟ علياء: اسمحي لي خالوهما اعرف الا شوية ام سالم: افااا ما عليج انا بعلمجعلياء: ان شاءالله خالوه ام سالم: انتي عاد ما تين مثل قبل ... عاد تعالي هب ماتين علياء: فالج طيب خالوه شيخة: فالج طيب هاااااااااه امسالم: ونتي وشلج؟؟ شيخة: رزة!!! يعني ماروم اتم وياها روحنا علياء: استحي شويخ شو هالكلام خليها ع راحتها .. انا عايبتني سوالف امج شيخة: شورايكم اخليكم وأسير عنكم؟؟ام سالم: ترومين بعد؟؟!! عصا محناية ع ظهرج... تمت ام سالم تسولف ويالبنات وفي البيت الثاني... البنات خبروا اليدة انه علياء باتغدا عند ام سالم واطمانت وعند ام سالم في المطبخ بو سالم: السلام عليكم... ما شاء الله منو ياينا؟؟ علياء: اشحالك خالي؟ بو سالم:شحالج يا بنت خليفة؟؟ وسارت حبته ع راسه علياء: الله يسلمك خالي بوسالم: شو تسوين عند الجدور؟ علياء: ماشي يالسة اطالع خالوه بوسالم: جيه مخلتنها في المطبخ وياج ... جيه وين شويخ عنكم؟؟ ام سالم:شويخ داخل وعلياء تباني اعلمها الطبخ بوسالم: اطلعي من المطبخ عن الصهوار!! علياء: حرام خالي من الصبح خالوه تطبخ وانا يالسة اطالعها ... شوف ويهها كيف محمر بوسالم: لا اتعبين عمرج يا ام سالم.. صحتج بالدنيا ام سالم فخاطرها : هاي اول مرة يقوللي هالكلام ام سالم: لا اتحاتي .. انته ادخل ونحن يايينك بوسالم: وين سالم وراشد والصغارية؟؟ ام سالم: سالم يقول يمكن ايرد عالغدا وراشد بيي الحينه ... علياء خذي الدلال ووديهن داخل وانا احين يايه علياء: ان شاءالله خالوه سارت داخل لقت غرفة مجابلة الصالة مفتوحة وشيخة اتنظفها علياء اتدق الباب واتقول: شيخة انتي داخل؟ شيخة: هيه الغالية اقربي علياء: جريب.. شو ماشاء الله تنظفين حجرة اخوج؟ شيخة: هيه والله يقول انه بيي من الدوام علياء: منو منهم؟؟ شيخة: سالم علياء: اتصدقين مول نسيت اسامي اخوانج وخواتج بس ما نسيتج ولا خالوه ولاخالي شيخة: تسلمين الغالية... علاية تعالي براويج صورة اخووي علياء مستغربة : منوه؟ شيخة: سالم علياء: يعني ... وباستهزاء شيخة:شووه؟؟ يعني!! اتعرفين انه احلى واحد من عايلتنا علياء: مب لهالدرجة... جماله عادي شيخة: ما عندج ذوقع لياءوهي يالسة تلعب بالمخدة ... وبعدين تلعب بساعتها شيخة: طوفي يالله خلينا نظهر من الغرفة علياء: اوكيك يا كيك شيخة: هههههههههه ونستساعتها داخل الغرفة دخلت بعدين شويخ وعدلت المخدة والساعة كانت داخل المخدةوعلياء مول نستها ساروا الصالة ويلسوا هناك شويخ تسولف ويا علياء وخالهم يسمعهم ويتريون الغدا وهم يسولفون فجأة يدخل راشد اخو شويخ يوم شاف عليا نزل راسه وهي يوم شافته احمرت ولبست بسرعة الشيلة شيخة: ايييه انته الناسي قولون احم احم ... هوود .. السلام عليكم بوسالم: وهي صادقة راشد: احم احم ... السلام عليكم ... هود هود علياء: عليكم السلام نزل راسه ودخل الغرفة حطوا الغدا ... علياء وبوسالم وشويخ ساروا يغسلون ايدهم و علياء تغمز لشويخ: اخوج بيتغدا ويانا؟شيخة: لازم علياء: عيل انا ما اروم... استحي.. فحياتي ما كلت جدام ريال غير ابويه واخواني شيخة: شفيج؟؟ عادي!! كل ما اتشوفينه اتخيلي قزم من الاقزام جدامج بس هو غير طويل اسمراني وحلو وشخصيته قوية وعنيد ضحكوا اثنينتهم يوم اتخيلوا هالشي علياء: حسبي الله عليج من بنية ما اتيوزين عن سوالفج شيخة: يالله خلينا نتغدا |
البارت الخامس .. ام سالم: راشد تعال اتغدى ويانا راشد: بعدين ... بعدين ام سالم: ما شي بعدين بينعج في الزبالة ... يالله تعال محد غريب يلس كل وياهم وعلياء مب طايقة اتشوفه ولا بتفطس من الضحك وشويخ حست بها علياء: الحمدلله ام سالم: ما كلتي شي؟؟ علياء: لا خالوه كلت وشبعت وطبيخج غاوي ما شاء الله واللي يشوفها يقول طول الوقت ماسكة عمرها عسب ما تضحك شويخ قامت وياها... يوم وصلت الغرفة ضحكوا من خاطرهم علياء: حسبي الله عليج صدق اتخيلته قزم وما كنت اقدر اطالعه لاني كنت صدق برافس من الضحك عليج سوالف شيخة: ههههههههههه ... اقولج نحنا بنستريح شوية والعصر بعد الصلاة بنسير بيت خالوه ام عبدالله علياء: اوكيه ناموا ساعتين وبعدين قاموا وفي بيت ام عبدالله محمد فخاطره : وين سارت الحلوة ما شفناها عالغدا؟؟ علياء تسحي شعرها شيخة: ما شاء الله شعرج طويل علياء: افكر اقصه شيخة: حرام عليج وايد غاوي علياء: افكر اقصه يوم اعرس بس الحينه اهلي بيقصون راسي اذا فكرت بهالشي شيخة: يالله خلصي عسب انسير علياء: ان شاء الله يوم كانوا نايمين سالم دخل اتغدا ونام شيخة: يالله مشينا علياء: مشينا وهم سايرين مروا جدام صالة ومحمد منسدح فيها يوم شافهم عدل عمره وطلع الهم محمد: ما شاء الله وين سايرين؟؟ شيخة: يا غلاستك... اتشوفنا وين سايرين؟ علياء بتكبر: عند يدوه محمد وبعصبية: على شوه رافعة خشمج على شوه؟ علياء: كيفي محمد: على جمالج؟ عليا: طبعا شيخة: هههههههههههههههه قفطة من الخاطر محمد: انتي شوووووه ؟؟ عليا : انا عليا محمد: وخير يا طير؟ عليا: طير ... طير... طير.. هاكوا الطير في السماء شافته من تحت لين فوق وقالت:فودعة الله طوفي شويخ محمد محمر ومعصب من كلامها: هذي الشوه ما تخيل؟؟.... اففففففف منها عليها جمال ولسان طويل يباله قص شيخة: ول ول ول عليج... هب سهلة علياء: طاف من الخاطر شويخ اتكون اخت محمد بالرضاعة شيخة: محمد اللي يعق الطير من السماء علياء: لو ايعق جرموشة من السماء انا ما باه شيخة:يالله عليج قوية علياء: محد يقدر علية غير اهلي وهم في الطريج علياء اتخبر شويخ عن سالفة الدريول شيخة:اسميه ما يستحي وشو سويتي بالمفتاح؟ عليا:خشيته فشنطتي.. اووه ع طاري شنطتي نسيتها عندكم... اكيد امي حارقة التيلفون حراق وانا مخلتنه عالسايلنت شيخة: بخلي حد من الصغارية ااييب شنطج عقب... شويخ طرشت اختها الصغيرة تيبه امل ويوم امل يايه محمد يناديها: اموول وين سايرة امل: سايرة أودي الشنطة حق علياء محمد: هاتي الشنطة وسيري هاتي لي كولا من ثلاجة المطبخ امل: ان شاء الله محمد خذ الشنطة دور عالتيلفون وحصل 6 مكالمات لم يرد عليها المهم مسحهن ودق ع تيلفونه ومسح رقمه ورجع التيلفون مكانه محمد: انا براويها شغل الله يت امل وخذت عنه الشنطة وعطته الكولا وودتها عند عليا علياء استغربت انه امها ما اتصلت علياء: الوو امي ... هلا بالغالية الام: هلا اشحالج علاية؟ علياء: الحمد لله الام: حرقت تيلفونج حراق وما اتردين علياء وباستغراب: ما سمعته!! ويوم خلصت اتيمعوا العيايز والشواب والبنات والشباب وقرروا يسيرون يتعشون في العزبة وام عبد الله اترمس اليدة: اشرايج نخطب علياء حق حد من عيالي اليدة: والله ما بنلاقي حد احسن عنكم بس بعد الشور شور اهلها... وانتي تبينها حق منوه؟ ام عبدالله: مادري يمكن لسعيد او محمد؟ بشاورهم وفي العزبة: اليدة: سير ود البنات راوهم الدبش علياء اتطالع يدوتها بنظرة واتقول: نحن بنسير روحنا هب لازم محمد: لا لازم لله... يالله تعالوا علياء اتطالع شويخ واتقول: مب جنة الجو بارد شيخة: ههههههههههه وين بارد ونحنا فاطسين من الحر ولا نسمة هوا ومحمد يسمعهم علياء وباستهزاء: انا بردانة طوفي انرد محمد: وين سايرين براويكم الدبش .. طوفوا جدامي ومن التعب يلسوا شوية |
| الساعة الآن 01:05 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir