|
على طريق الشقى يانفس مدفوعه واليوم حلمك يانفسي وين وداكي يمضي بي العمر والايام مزروعه دربٍ وحيشٍ وتنبت فيه الاشواكي اطرد عليه السراب وخلفي اللوعه الضيق يانفس صوب الضيق يحداكي ليت الرجاوي يانفسي بس مقطوعه ترجين شيٍ تبي تموتين ماجاكي على طريق الشقى يانفس مدفوعه واليوم حلمك يانفسي وين وداكي كتمت حزني ولا بينت موضوعه ولغير ربٍ حلقني ماني بشاكي اضحك وانا ضحكتي لناس مصنوعه اخاف هرجة شماته في تنحاكي عندي امورٍ عن الايضاح ممنوعه خليتها يالضلوع العوج بحماكي اقسى حزن حزن واحد يكتم دموعه ما تآمرك عزته يالدمع تنهاكي يسلى شوي ويجيه الحزن مجموعه اكبرهن الي سطى بسباب فرقاكي يوم الحمامه تجر الصوت مفجوعه ياذا الحمامه بغصن الراك مبكاكي ذكرتي الي فقد له بنت دلوعه الله لا يجزاك خير بسبة غناكي جاني من البعد عام وباقي اسبوعه والظاهر إنه يتم بدون لقياكي والناس لو تعتبر غيبتك مشروعه اجل وش بتعتبر موتي بلياكي والي ورث منك ضيمٍ غير اطبوعه لاحل طيفك يقول الضيم يفداكي ضيفٍ عزيز ويخفف عني الروعه يجلس مكانك على فراشك ومركاكي ويشوف لك صورةٍ بالقلب مطبوعه واعطره من بقايا عطرك الزاكي الحب بين البشر متفاوتٍ نوعه يوم إن حبك تعدا حد الادراكي يذبح خفوقي ضما ويزود في جوعه ويلد عيني جهتك وهي تحراكي الشاعر عبدالمجيد العوفي |
| الساعة الآن 12:53 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir