السلام عليكم ورحمة الله وبركاته


طلعت كالعادة بروح اغير زيت سيارتي وحصلت كرتون الزيت مخلص اللي عندي بالبيت , دقيت سلف وعلى طول سيدا لمحل جملة بالقصيم لبيع الزيوت وتفاجأت بمقدار الزيادة باسعار الزيوت , حسيت اننا ننسرق وبوساعه وجه بعد , اجل ياجماعه كرتون زيت تويوتا باول السنه كان 240 ثم انتقل الى 260 ثم انتقل آخر سعر صار سعر الكرتون 295 ريال يعني صار سعر العلبه الوحده تقريبا 13 ريال تقريبا.

سالت العامل قلت زيت الترا سفن كم سعره خابر سعر كرتونه قبل فتره 220 قال لي العامل 260 , بكل صدق انصدمت على رفع الاسعار بالطريقة ذي , العالم يواجه ركود اقتصادي وحنا اكبر دوله مصدره للنفط (ادام الله علينا هذه النعمه) ويصير سعر الزيت نار كذا , حسيت ان الضابط للسعر هو مزاج التاجر يعني يجي يوم مبسوط يرفع 5 ريال يجي يوم متكدر يرفع له 50 ريال

اللهم ارفع عنا غلاء الاسعار


ياشباب مافيه حل مع هالزيوت , احد يعرف زيت بالجمله رخيص وكويس ووين ارخص محل يبيع زيت جمله سواء بالقصيم او بالرياض