منتدى استراحات زايد

هذا واحد من الربع نشدته عن حاله وكان مجهز ابيات قصيدة ورد على بها يوم قلت كيف حالك

يالوائلي ان كان تنشد عن الحال = حالي براه الهم ياعز تالي ليه ثمان سنين للهم شيال = واليوم انا يالقرم ضعف احتمالي
ضاقت بي الدنيا على كل الاحوال = وعجزت اميز عن خطاي العدالي
ردي عليه
يابن مسيب صائرا فيك ولوال = الله يرجع لك ماتريد تالي
وترا السبب يمكن من الناس رجال = ابو جديلا فوق الامتان مالي
خده مثل براق مزنآ من خيال = مزنآ من المنشى ينوض اشتعالي
شريفتا ماغازلت كل جهال = وجميلتا وصفه يشاد الغزالي
حنا معك ان كان به تدفع المال = ونمشي ان كان انه بجاه الرجالي
وتشكي علينا الوقت والوقت شغال = مار ان فيه من العلامه ميالي
ابا العلا يزمر على كل الاشكال = وطير الحديا به ضهرله فعالي
والذيب عن درب المهمات ميال = من عقب ماياخذ نواد الجزالي
وصلاة ربي عد رملا بالاسهال = على شفيع الخلق باول وتالي