منتدى استراحات زايد - لمنـ يهمهـ الامر

و عليكم السلام و رحمه الله و بركاته
الحمدلله يرج الحال يا كلي جروح.. انتي شحالج ربج بخير؟؟
بنسبه للمقاطع هي امرها هين اي حد يقدر يسوي مقاطع بس كل واحد يميز مقاطعه بأسلوبه.. و مثل ما انتي شايفه في وايد ناس يسوي مقاطع و كل واحد له اسلوبه

بنسبه لي لها عندي اكثر من قسم في مقاطع اغاني عشوائيه يعني راعي المقاطع يركب اي اغانيه.. يدخل مقطع بعد ما يخلص المقطع يدخل المقطع الثاني هل مقاطع احسها ممله..

في مقاطع عشوائيه بس فيها حركات مثلاُ المقطع ينعاد.. مقطع مسرعه.. المقاطع فيها لعب بصوت.. يعني هذي المقاطع فيها اكشن شوي لؤل...

في مقاطع تحسين انه الأغاني كلهم نفس الكلام كل غنيه ترد على الي قبلها يعني المقاطع كلهن تكون تحت عنوان واحد مثلاُ فراق.. حب.. عتب.. خيانه الخ.. هني راعي المقاطع قبل لا يسوي المقاطع يكون في راسه موضوع او شي يبا يوصله من ورا الاغاني يقعد يقسم الأغاني قبل لا يشتغل.. يقصص منهم المقاطع الي يبا يدخلها و بعدين يسمع كلمات الأغاني مثلاُ هذا المقطع شو يقول فيها و يكمل عليه بغنيه.. عادتاً هذي المقاطع تكون شوي طويله يعني 15 - 30 دقيقه (بس دخله الغنيه على الغنيه تكون عاديه المقطع الأول قبل لا يخلص يتقصر عليه شوي شوي و يركب المقاطع الثاني فوقه اول يطول على صوت المقطع الثاني شوي شوي)

في مقاطع تكون نفس الي قبلها بس من تبدل من غنيه لين غنيه الواحد ما يحص فيها مش يطول و يقصر على الصوت.. تتنهي الغنيه نهايه المقطع الأول يكون إقاعه نفس بدايه المقطع الثاني يعني تتبدل الغنيه من غير ما يحس المستمع.. و يكون فيها بعظ الحركات انه الواحد يعيد مقطع.. يلعب بالمقاطع مثلا فيه مقطع في الغنيه يكون بصوت المغني و نفس المقطع بصوت مغني ثاني.. او الكورال.. يدمج هشي و غيرها حركات راعي المقاطع هني يبدع فيهن يسوي حركات وايد في المقاطع يلعب بصوت المغني.. و فيها دمج اغاني قديمه مع اغاني يديده.. يسرع يبطء بس كل المقاطع تكون تحت عنوان واحد يعني المستمع من يسمع المقاطع يعرف انه فلان يبا يوصل هذا الشي من ورا المقاطع.. تكون نفكره راعي المقاطع واظحه100% و يكون المقطع راكب مع المقطع الثاني 100% .. هذي المقاطع الي صدق تعيبني لأنه الواحد يوم بيسمع اغاني بـ روتين واحد و فيها حركات و الدمج فيها حلو بتعيبه المقاطع..

و كل واحد له اسلوبه.. مثل ما يقول المثل "لولا اختلاف الاذواق لا بارت السلع"
و بنسبه للبرامج في برامج وايده انا عن نفسي استعمل Acoustica MP3 Audio Mixer

إنشاءالله اكون جاوبت على كل أسألتج و كان عندج أي سوأل فالج طيب ^_^

تحياتي Bu-DHaBi