|
الذيب ذخره يجون اذياب ### وداهيه مثل من جابه السلام عليكم ورحمت لله وبركاته جايبلكم شويت قصايد و اتمنا تعجبكم (1) وهي الي اعجبتني بس سراحه ما اعرف راعها ولا اعرف منها غير المقطع ذا الذيب ذخره يجون اذياب ### وداهيه مثل من جابه ليت الدواهي لهم جلاب ### كلن يبيعونه اقرابه ولا اتركم مع بعض القصايب وتمنا الي يعرف القصيده الاول يقولها لي على العام (2) يا عين هلي صافي الدمع هليه ###واليا انتها صافي هاتي سر يبه ياعين شوفي زرع خلك وراعيه ### شوفي معاويده وشوفي قليبه امنول دايم الريه نماليه ### وليوم جيتهم علينا صعيبه وان مرني بالدرب مقدر احاكيه ### مصيبت(ن) يا كبرها من مصيبه اللي يبنا عيت النفس تبغيه ###ولي نبي عيا البخت لا يجيبه يعود نسب القصيده الى الشاعره نوره الحوشان (3) هذا طال عمركم عايد الشمري كان عاشق له وحده وهو موظف هاك الايام بالدمام ولا بخاطره الا انه بروحته لاهله بيخطبها والله ويوم جاء من الدمام مسير على ربعه والا عندهم عرس منهو عرسه قالو عرس فلان ومنهم نسباه قالو الفلان وياخذ العلم الا والله العلم الي مايسر وبنفس اليوم ويسولفون بالمجلس عن صدور قرار اعدام المهربين كان توه طالع قرار اعدام المهرب وهو يقول هالقصيدة القلب كنه بالسكاكين يشعط .......................... والروح مفجوجه كما فج الأصباح ياتل قلبي تلة الجمس مع خط .......................... وياصيح قلبي صيحة السير لاصاح مع سهلة قدمه تغاريس وهبط .......................... شرار شكمانه تقل ضوح قداح عليه حمل بالشناكير يربط .......................... ومهرب ن حمله هراوين وسلاح خايف على عمره وحمله ومشتط .......................... ان مسك راح الجمس والي معه راح ناظر وشاف الجمس مع ايسره قط .......................... خفر السواحل عندهم سلطة كفاح قالوا توقف مار ماطاع عبط .......................... تل الوانيت وروح الجمس وانزاح بثنين والثالث على الجمس يشحط .......................... وان عد طبلونه عطا الجمس وارتاح خفر السواحل كلموا قدمه نقط .......................... مراكز صكت على كل الاجناح الدرب قدمه يوم حيصر تورط .......................... ماعاد يمديها عن الخط مصفاح صكوبها مع كل درب او تلخبط .......................... واطلق عليه النار مع كل الاشباح مع بابه الايسر ضرب عرض وغبط .......................... صوب وطاح وطاح عن نهمته طاح كلبش وحط القيد في رجله حط .......................... وخذوه للتحقيق واسلوب الايضاح عقب العصاوالجلد والفرش والبط .......................... دانوه بالترويج وافساد الارواح وحكم عليه اعدام بالسيف الاسلط .......................... وصدر قرار الحكم في بيض الالواح تقسيم ميم ودال بالامر يضبط .......................... في ساحة المذبح تولاه ذباح خلفه شرط وواقف قدمه شرط .......................... ووجده نواح ومثلها وجدي نواح عليك ياوجدي يابو عنق انوط .......................... اول صبرت وكمل الصبر وانباح لوان مخلوق على الصبر يغبط .......................... لا كان صبري جابلي كل الارباح نصيت من قرنه على المتن يمشط .......................... ورجعت لا شفته ولا ضالمي لاح ارضه بياح ويكشف الجمس لاقط .......................... والارض تفضح واكثر الناس فضاح ولاعندهم منهو لوضعي يتوسط .......................... ومضرين نفسه على كسب الامداح ضاقت بي الكورة كما خرق مخيط .......................... واضوق من السبحه على سلك مسباح ماذوق حلو النوم والجفن ماغط .......................... سهران والله ماتهنيت بمراح كني عضيض السم من ناب الارقط .......................... لاكض بنياب ن تقل مضرب رماح اول سبحت مع الهوى شط مع شط .......................... واليوم غرقني عقب مانا سباح |
| الساعة الآن 04:24 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir