منتدى استراحات زايد

لابأس ياصدري من الضيق لابـأس
اصبر وربي عنـد ضيقـك يعينـي
ضيقك ملك وهمومي القشر حـرّاس
وشعاد لـو تلـزم يدينـك يدينـي
ياصدري الطاهر حشا كل وسـواس
حتي لو إن الحزن وسطـك دفينـي
ماضاقت الدنيا ولو ضاقـوا النـاس
ربي ولي العـرش وحـده عوينـي
ابدأ بذكـره كـل ماهـب نسنـاس
دايم وانا باإللـي خلـق مستعينـي
والصبر حكمه والعنا تاج الإفـلاس
واطيب مكاسيبـي رضـى والدينـي
سعـادةً ماتنتقـيّـس بمقـيـااااس
وإلا الحزن لـه موجتـن تعترينـي
والبارحه هوجست بالفكر هوجـاس
والنـوم حاربنـي وعيّـا يجينـي
قمت انظم القيفان نظـم بالإلمـاس
مع كل قاف احـس حرفـه حزينـي
من وين احصّل يالرجاء فرقة اليأس
اليأس مافـارق ضميـري وعينـي
أيست من صدق المشاعر والإحساس
والخافي اللـي بالحشـاء مايبينـي
يعكس مدى صدقي خبيثين وانجاس
وارجع واحط اليأس بينـه وبينـي
وأيست من ضحكت غدر كل بـلأس
مابيـه دامـه كــاذبً مايبيـنـي
صداقته غضه ولاهي علـى سـاس
تطير مـع مـر الزمـن والسنينـي
امحق صداقه مثـل خـطٍ بقرطـاس
لا رشهـا رش المطـر ماتبيـنـي
وأيست انا وأيست ياقلعـة اليـأس
تعال قـرّب يالرجـاء مـن يدينـي
بعيش بك لحظات وآخذ بك انفـاس
حتى استعيد العافيه واوكسجينـي!!!