منتدى استراحات زايد - صايد وفايد يالذيب

السلام عليكم ورحمة الله وبركاتة
اخواني اعضاء المنتدى الكرام
صبحكم ومساكم الله بالخير والمسرات
اكيد انكم لاحظتو ان القميري والدخل له كم سنه ينقص عن السنه الي قبلها
والاسباب كثيره منها
1/ كثر صيد الدخل بالشبكه لغرض التجارة واعرف شخص الله يهديه عنده اربع استراحات وكل استراحه فيها عاملين يلقطون ويذبحون
تصدقون انه في يوم واحد الي لقطو من الشبكه سبعه الاف بدون مبالغه هذولي لو كملن هجرتهن ممكن يجن السنه الجايه اكثر من عشرين الف
يعني شخص واحد يصيد باليوم سبعه الاف هذي اباده ماهي صيد هوايه .
2/فيه ناس الله يهديهم يربطون الشبكه بمكان ويتركونها يقول اكثر من شخص انه شاهد الشبكه وفيها انواع كثيره ميته فطيس من دخل وصباري وفري ويمكن انتم شاهتو مثل هذا .
3/فيه شباب اشترو بواريد وكميرات جديده وراحو يصيدون ماعمرهم شافو القميريه ولاالدخله الا عن طريق المنتدى تدرون ليش يبون يسوون لهم تقرير خمس نجوم بمنتدى الصيد البري وكل واحد يدخل الموضوع يقول صايد وفايد يالذيب .
اكيد انكم شاهتو كثرت الصيادين .
اتمنى من محلات الرحلات والمختصين منع الشبكه من الاسواق لحماية الطيور من الصيد الجائر.
انا منب ضد الصيد بالعكس صيد ونبسط وكل واستانس ولاتنسى تذوق شيبانك بدون اسراف ولا كميرات الحمد لله توي جاي من الساحل تصيد وتشبع بدون كبات وازيدكم من الشعر بيت فيه صيادين بالساحل يرمون القميري طيار فوق شجر الشورئ والله انهم ماينزلون يجيبونه تخبرون شجر الشورئ اذا كان كثيف يضيع به الصيد والله انك لانزلت تلقى القميري فطيس بوسط الشجر
اتمنى اني وفقت في طرحي
وسامحوني على التعبير
وصلى الله وسلم على نبينا محمد