تعودني عليك أيام أبد ما فارقك ليله ...

وإذا عنك أروح اليوم أقول نلتقي باجر ..

تعودني على لطفك وأسلوبك وتدليله ..

وتتوقع أنا بحيا بدونك يوم بتسافر ..

أنا ما ودي اشكيلك ولكن قلت الحيله..

أليمه فرقتك والله وأنا ع البعد مب قادر ..

دخيلك أجل الموعد إذا تقدر ع تأجيله ..

دخيلك حط دمعاتي في عينك قبل ما تسافر..

يا شين الوقت في بعدك دقيقه كنها ليله ..

شيصبرني وأنا أحبك ومثلك في البشر نادر ..

تعلق قلبي بقلبك يسمع منه ويحكي له ..

تدلل قول بس إطلب أقول لك غالي وحاضر ..

إنا مدري إذا قلبي رفض يصبر شسوي له ..

تخيل حالتي بعدك أنا اتحطمت ع الآخر ..

أكلم نفسي فغيابك ألوم القلب وأشكي له ..

وأصبر نفسي بالقوه وأفضي الليل وأنا ساهر ..

تلاقينا فبعض صدفه سولف لي وأنا أحكي له ..

ومن أول نظره حبيته وصرت لشوفه ابادر ..

ذبحني السحر ف عيونه يا ويله قلبي يا ويله ..

أنا أفهم لغة العيون ولكن صرت مب قادر ..

أنا اتمنى قبل لا يروح يلمس دمعي منديله ..

أبيه يحس بإحساسي أبيه يقول لي تامر ..

أبي حضنه يدفيني خليل يودع خليله ..

وأقول بصوت به شهقه فمان الله يا مسافر ..

عزاي إنه أخذ قلبي في وسط عيونه يشيله ..

وأنا أصبحت في بعده وحيده وأكسر الخاااااطـــــــــــــر .......!!!!