|
مقتطفات شعريه لراشد بن طناف (( الله يرحمه )) راشد بن طناف بن فايز ولد في منطقة الذيد في امارة الشارقة ،توجه الى الغوص عند السابعة عشرة من عمره ، بدأ حياته الشعرية في الخامسة والعشرين، يعتبر من الشعراء المعروفين ، لاتخلو قصائده من الفكاهه والمرح بأسلوب جميل . @كله من امك@ ياشوق عنكم خاطف ابدوق بشـراع ومشغّـل مكينـه ، مامن طعـم فيكـم ولاذوق حاشـا ولا فيكـم جنينـه ، لوعاد زينك يشبه ام طـوق واللا شرى فلـح الشرينـه ، قلبي اتعـلاّ وارتفـع فـوق ما ايحيط ف الربعـه اثنينـه ، نعكم بشوم بركـب النـوق صوب الذي صافـي جبينـه ، ياللي خدوده تشغل بـروق ماجـد عبـر فـي السفينـه ، بومضمرِ والـراس مطلـوق والصدر بـه شوبيـن تينـه ، واللا المضاحك در مفـروق دانـات لــج امفرّديـنـه ، بومبسمٍ عـربٍ ومنطـوق وابريطمـاتـه امديرميـنـه ، مملوك لـو طنـاف معتـوق سنتيـن خذتـوا هاجرينـه ، اخير ولو بعتـوه فالسـوق يوم الضنـا يهجـر ضنينـه ، لو ييتنـا باتاخـذ الحـوق ودفتـر جديمـك سامحينـه ، عيّـال ماتوفـي بلحقـوق وكله من امك هـا اللعينـه ، ماروم اسوي الدرب طرّوق كل يوم جني لـي اضغينـه ، وياشوق عنكم خاطف ابدوق بشـراع ومشغّـل مكينـه @ في المدرسة@ في المدرسه عنـي ايـدرّس يقرا كتاب الالـف والبـي ، خلانيه يالـس و أكـرّس بمضغ لحمهم ناضـي ونـي ، يامـارس المهجـه تمـرّس تسحب وصد القلب با اللّي ، دمعي على الوجنه ايخّـرس حبك بلاني يوم انا اصبـي ، لوشفتني شيبـه وافـرّس وامشي بعكازيـن وارتـي ، والله والله مـاتـعــرس مادام راسي باجي وحـي ، وانا الذي ساجي واغـرّس بيداركم خرفوا لي اشـوي ، عيزت كم اطبخ واهـرّس ويوم اغرفوا مابدنّي شـي ، كلّه كلـه ذاك لمضـرّس لي يايب اخطوطه من دبـي ، واجف على بابي واحـرّس مـرةٍ افـج ومـرةٍ ازلـي ، مادوّق اشراعـي امتـرّس ولانزّل الفرمن عن الصـي ، تصبغنـي بجـذبـك ورّس عيّيت عنك وبتبـع الفـي ردك ضيق البال@ يازين ردّك ضيّـق البـال واحرمتني شوفك ولامـاك ، غثّيت بالـي والعقـل زال وقلبي اتعلّق فيـك يقفـاك ، وانا من اللّيعات في حـال وانته امريح البال ش ادراك ، ولاتفتكر فيّـه ولا اتبـال لابد عليّـه حـدٍ اوشـاك ، ياغـر ياغالـي يـازعّـال لوماتباني عـاد انـا آبـاك ، قلبي جـداك أيّـر ميّـال وانير يوم اتصادف اويـاك ، فيك الجمال وحسن جتّال سبحان لي صوّرك وانشاك ، ارميتني مـن اوّل الفـال صوّبتنـي بالحـاظ عينـاك ، ياغيد ياوحشي يـا يفّـال مافي الغواني حـد شـرواك ، يابوحواجب تشبه الـدال ياما حـلا صفـة ثنايـاك ، وانهود صدرك وقّف اشكال كالبرتقال بازمـة اصبـاك ، وامضمرٍ فيه الحقـب يـال هايف وبالردفيـن محـلاك ، ياليتني فـي ريلـك انعـال واللا بقربك عبد واحضاك ، خادم ولو في شوفك آنـال نظرة عيـانٍ فـي محيّـاك ، ان قلت بصبر فالصبر طال سيدي متى بتشارف اوياك ، والله يـا الغالـي فـلا ذال جفني ولاغضـى وخـلاك ، بفديك روح وحالٍ ومـال حتى صبي العيـن يفـداك ، @في مهجتي@ تدري بيه مالـي عـزا عنـك لو بالسـلام اتمـر و اتـزور ، وان قلت بسلي جذب انا عنك امحال هذا مول مـا ايصـور ، في مهجتي والجاش مسكنـك لوباتمـر اسنيـن وادهــور ، انا الذرى لك والسدف عنـك اوياك بقطـع سبعـة ابحـور ، باسال من باسال.؟ بي منـك لا اتشط بي تاخذ تاخذني ابزور ، انته ابسعه ونا حسـب عنـك كمّ الصبـر واتمـر لعصـور ، ابعدت ما ايّينـي نبـا منـك ونـا علـى لامـاك مجبـور ، ما اتنام عين الغضـي عنـك ياسيّـدي يابـدر لـبـدور ، ويا اوليفي هذا خطـا منـك والشي هذا منكـم اقصـور ، قالوا حشى مابنغفـل عنـك واسكت وخل الشي مستـور ، بوصل وبيزول الكدر عنـك وبتصير في نعمـه ومسـرور ، @لون الدمني@ البارحـه يــوم القفـنّـي اربع مـن الخفـرات لحـرار ، فيهـن شـرا لـون الدمنّـي لي شعّلت وسط الحشى نـار ، بسبابهـن قلـبـي محـنّـي هن غرب لو سكّـان فالـدار ، فيهن غرست احساس ظنّـي جان الوصل ماينقـل اخطـار ، وفيهـن تخايـل نظـم فنّـي ما اعرفت جيف آسجل اسطار ، يـنّـي ابـهـد وسالمـنّـي وقالن ياراشـد ديـر لنظـار ، نبغيـك يالشاعـر اتغـنّـي وفينا اتسجل نظـم لشعـار ، قلت اعذروني مـا اعذرنّـي وقالن عليـك الحـق ينـدار ، الله واكبـر يــوم يـنّـي واللي التوت فالبشت لخيـار ، ويابوعلـي قــم بالتـأنـي اويـاك نترافـى ف لشـوار ، ويابوقـذيـلات اتـبـنّـي يطلن ابمسج وطيـب لعطـار ، حبّـه وسـط قلبـي يدنّـي شروى الرعد وايهـل بمطـار ، @آه يان قلبه@ آه يامن قلبـه تشقّـا وانتصف آزم جسيمينا ، لاحشى مابحتمل فرقـا لي امربنّه مـن اسنينـا ، لاصديج ولا رفيج القا يفعل المعروف والزينـا ، نيم يزهى لي من الشرقا هو غناتي قـرة العينـا ، جيف بصبر جيف بتّقا ساطيٍ عوقه من اسنينا ، في هواهم دوم انا امشقّا ماليه غيـر الله امعينـا ، الجسم والحال مندقّـا ياعلي جيف الفكر فينا ، ف الهوى فاهم ولا اتنقا غير لي فاهـم معانينـا ، بوخديداتٍ شرا البرقـا يشتغل مابيـن مزنينـا ، والمضاحك دونهن غرقا يك دانـاتٍ مثامينـا ، في حشايه علّتـه ترقـا عايت ابكل المداوينـا ، بات دمعي هاطل ابهرقا في الدجى طلع الميازينا ، @لوٌل خصوصي@ اسهيت عني عاد وانسيـت وانسيت يمع الشمـل ويّـاك ، وقت المسا في رايح البيـت مايرفـض الميثـاق شـرواك ، بيدك اموقّع ع العهد الصيت ماقلت ذاك الحيـن مابـاك ، تبـغـي ارش بـالـزيـت والبج النيـران ف حـذاك ، بتقـول ياطنّـاف زلّـيـت وباشمّت الخافي بـه اعـداك ، راعي العقـارب والتواليـت ما ايفيد يوم تقرب احـذاك ، نيس ويبل م الذنب شليـت ماينغفـر ذنبـك وحاشـاك ، لو تغسل ابخيشه من الريـت النفـس ماتهـواه لامــاك ، لوّل خصوصي يوم جرّيـت واليوم تكسي صرت وش ياك ، خذب الرقم لجره وحطّيـت وايد يويل ويركـب اويـاك ، م القلب لين السيج خريّـت معنا سقط ذجرك وطـرواك ، ترّس اشراعي عنك ملّيـت والقلص قصّيتـه ولا بـاك ، @اهواك@ أهواك واتشرف ابطـرواك وابغض واعادي من يعاديك ، وسط الحشا لفـواد لبّـاك الـروح مجبـوره اتلبيـك ، ثرمن خلج ف الناس شرواك غير النبي يوسف شراويـك ، لا اتمـد للحسّـاد يمنـاك لحسود بتخـرّب معانيـك ، ناس تحاول تبغـي رضـاك وانا ابحال ومال برضيـك ، وان ييتني باتاخـذ رضـاك حتى ابنصخ روحي بقاضيك ، البنـك صخرتـه لعينـاك بكتب على احسابي وبعطيك ، رغم العيزّ بكشف اغطـاك لوهي بغت عنـي اتغطيـك ، تعبان وامخسر على امطـاك هي من تبا غيري ايمطيـك ، @ماقلتلك يالغالي@ ماقلت لـك يالغالـي اطمـن خل الدلـع لاتصيـر بطـران ، اخيـر تطاوعنـي وتسـتـن لاتستـوي خبلـه وشيطـان ، ماريت فيكـم حسـن ظـن غير الرفاس وعـضّ لسنـان ، قلبـي عليكـم دايـم يحـن وانته اقليبك هـوب حنّـان ، اتشوف عمرك ف الوزن تـن شايب ووزنـي سبعـة اتنـان ، يتك النفيعـه سقّـط وجـن والبنك ممـلاي لـك نيطـان ، حبك كمنجه ف الحشا يـرن ويحـرك اوتـاري ولشجـان ، يا اوليّفي يـا اصغّيـر السـن لاتستـوي لـي دوم مـنّـان ، ان ييت صوبك ريتك اتـون ون سرت ترقص جنك احصان ، @يازين@ يازين ظاع الظن لي فيـك وايفيت يالمضنون وش ياك ، لول اتصبّح بي وامسّيـك واستانس ابوصلك ولاماك ، واليوم لاتييني ولا ييـك شاجي وعيني دوم تربـاك ، يرتاح بالي يوم الاجيـك واصيح يوم ايمر طـرواك ، لوتهجرنيـه مابخلـيـك لوعاد تنساني فلا انسـاك ، ون خفت يالمضنون واليك الرب لي صوّرك وانشـاك ، يوز اتّق المعبـود باريـك وارحم وليع امعذب اوياك ، تعبان متشجـي ويلعيـك ساق العمر والمال فـدواك ، يانور عيني لبركـه فيـك تبقى وانا لك خادم احظاك @قم يانديبي@ قم يانديبي فـوق شقـرا امعنـاه وانصى زكي اليد عالـي قدرهـا ، اقلـط وقبّـل بالتحيـه يمـنـاه شيخ على الضيحات يدّي نذرهـا ، جليل من الشيخان في وصف معناه ان مـدّ باليمنـا شمالـه قصرهـا ، سلام انوج من شذى المسج يهناه واطيب من ارياح الجنان وشيرهـا ، لك يانجيب البيت ياعالـي الجـاه يامنسب الضرغام عالـي وكرهـا ، ابيات شعـر م الخوافـي امنقـاه وامسجـلات بالمعانـي سطرهـا ، سلطان بن زايد بلـرواح نفـداه ونذرى ابظله من حوادث خطرها ، يثني الصخا ولجود كل من عنى وياه يسدي الفضايل مايحاسب خسرها ، يمكث ابنعمه خالجـه دوم دنيـاه ابنعمة عمت بدوهـا وحضرهـا ، دافم ابحزام وعزم والمجـد يرقـاه شخص سلالة من طوايل شبرهـا ، ومن عقب ذا يا ابن الغضفر اتلقاه قول امنقا مـن خوافـي غدرهـا ، ادعو لك التدبيـر تهنـا ابلامـاه وايطول عمرك في تلايـا دهرهـا ، ياجايد الفرسان وقـت الملاقـاه وامعشي اوحوش الخلا في قفرهـا ، يانجل زايد ياحمـى كـل منجـاه واكساك ربـي باليمايـل نصرهـا ، اوهبك رب العرش فخر ومذكـاه وانته سفر ظلما الليالـي وبدرهـا ، ولايظن شاعر في مجالـي ويهـزاه الا بليـد وخالـي مـن فكرهـا ، باتت اقلامي في مدحكم مشقـاه آخط واسجـل معانـي فسرهـا ، ولاني قصيد المدح فيكم هل الجاه وانتو عليتوا في النوايـب نظرهـا ، والمدح فيكم له قوافـي ومرقـاه يامن بنيتـوا للمكـارم قصرهـا ، صلاة ربـي عـد مانهـل اسقـاه أروى طعوس عمن وانبت ثمرهـا ، @انجفت من لاماك@ انجفت من لامـاك مابـاك عايـف ولادانـي مجاريـك ، يالخضر زد النـاس مدنـاك شاع اخبرك كثرت مواديك ، لول غناتي القلـب يهـواك واليوم دورّ مـن ايهوايـك ، عند العـرب والله لاشنـاك من عقب جرحي من يداويك ، ماييـت متعنّـي ولـولاك واليوم والله مـول ماييـك ، حصلت من مثلك ويسواك ولا اتظن ماحـد يساويـك ، لا اتزم عندي عارف ادواك وان سرت والله لاداويـك ، انهي ايلين ايوقـف انهـاك اعيزت كم انصحك وانهيك ، بجرب السلـوى وبنسـاك لوّل وسط قلبي مراسيـك ، تمت وصلـوا عـد مايـاك انهى وطالع جان اراضيـك ، @يانور عيني@ يانور عينـي كـم اطمنـك ووصلك عليـه بالتشافيـج ، وش اللي بدى لك عاد وامحنك ياقايـد الـريـم المطالـيـج ، هذا الخاط مني ولـو منـك واتحلف لاني مـول مافيـج ، دلعان والـلا ذا بطـر منـك ياغيـد ياحلـو التبـاريـج ، مالي صبر مالي عـوى عنـك وقلبي بحبـك دايـم اشفيـج ، يرتاح لـي منـه دنـا منـك ووصلك ايفّري عن الضيـج ، ظنيـت بـك لانـي بأمنـك وبغرسـك مابيـن المعاليـج ، هذا الـذي نستاهلـه منـك يابـو حيايـيـن معـاويـج ، وسط السويدا قلت بخزنـك لوكنت ناصـح م المصاديـج ، وش هالجفا ياللي بـدا منـك عذبتنـي وامنشّـف الريـج ، اقسمت من لميـات بحرمـك ومن عقب هذا مول ماطيـج تحيااااتي أخوكم: مزيون دبي |
http://up.joreyat.org/10Jan2008/567b...6d991e2218.gif http://up.joreyat.org/31Dec2007/r15r...antic10059.gif [ صح منطوق الشــاعر ] شــاعــر معــروف بقــصايده الرائعه ربي يرحمه وموضوعك في غااايه من الرووعه ياخويه جمعت قصااايده وطرحتها بموضوع مميز الصراحه تشكر ع المجهود والطرح وربي لاهااانك نترقب كل يديد من جداك والسموحه عا لقصور البادر منيه اختكم الميث :) [ تم نقل الموضوع للقسم المناسب ] http://up.joreyat.org/31Dec2007/r15r...antic10059.gif http://up.joreyat.org/10Jan2008/11ba...0203d5de33.gif |
السلام عليكم صح السان من قالها وتسلم يمناك على النقل تقبل مروري ويتم التثبت @@@ أخوك @@@ |
نبـ,ـذه عـن الشـ,ـاعـر الراحــ,ـل راشـ,ـد بن طنـ,ـاف.. اخواني واخواتي اليوم بنقرأ سيرة شاعر من شعراء الامارات كل من سمع شعره حبه اقول ما بطول عليكم وتعالوا نقرأ : هو أحد شعراء الامارات المحبوبين على قلوبنا ..هو راشد بن طناف ولد في منطقة الذيد في الشارقه، حوالي سنة 1910م ، تربى في كنف جده ( والد امه) ، ( سعيد الصوايه النعيمي ) حتى بلغ السابعه من عمره .. انتقل بعدها الى مدينة الشارقه مع اسرته ليبدأ في عالم الثقافه الاسلاميه لدى كل من المطوع عبدالله بن صالح و المطوع عبدالله بن جربوع ختم بعدها القرآن الكريم ، فأصر والده أن يعلمه الكتابه.. فأخذه الى الشاعر أحمد بن عبدالرحمن بوسنيده .. وبعد سنتين ، بدا في الذهاب الى الغوص وعمره لم يتجاوز الـ (17) عاما ، ثم تزوج للمره الاولى فلم يوفق معها فطلقها بعد سنه واحد من زواجه بها ثم تزوج الثانيه ، الا ان سؤ طالعه لاحقه ايضا ، فطلقها بعد عام ايضا من زواجه بها .. والثالثه توفاها الله وهي تضع جنينا لم يكتب له البقاء .. حيث رحل معها .. أما زوجته الرابعه .. فبقت حــــــوالي (25) عاما ، حيث انتقلت الى رحمته ، سبحانه وتعالى ، عندما كانت تطوف حول الكعبه الشريفه ، في موسم الحج عام 1975م . وآخر عنوان له كان بيته في "الرمله" بالشارقه ، وكان هذا البيت بمثابة الصالون الادبي يزوره الناس من كل مكان ليكتبوا قصائده ويسجلوا بالات التسجيل طريقة القائه الفريد التى اشتهر بها في السنوات الاخيره. سافر الى البحرين .. والسعوديه .. وأخيرا الى الهند للعــلاج .. وكانت بدايته في الشعر وعمره لم يتجاوز الـ ( 25 ) عاما حينما حرك مشاعره قوله لأحدهم ، وجهه الى صديق طفولته واستاذه ، ونواخــذاه الشاعر ( عبد العزيز بن دخين ) .. فشدا قائلا : ........ احتـــــــــــرك لولب من فـوادي ......... والشــعـــــر ينقاد لي فنـه قمـــــــت ادير الفن بـــــالجادي ......... طـــاش لونا صرت مخفنه عم واملا الجاش واجبـــــــادي ......... وانـــــــدفق بل ويري منه سال و اسقى السيح والـــوادي ......... الصبـــــخ والرمل فاضنه انبـــت اشيـــار بــــلا جـــــــادي ......... من فضل مــولاي منشنه والعـــــــــــــــدو لي ياك متبادي ......... ينكسر لي شـــــــافنا جنه المعلــــــــم بــــــــــــاول البادي ......... ايقايس الحـــملين والغنه ينتظر في سير لعبـــــــــــــــادي ......... والجمـــــال ايصور قارنه بــــــــــو سعود انته لي اسنادي ......... اليلــــــق لا تصير مرذنه جـــــــــاوب اللي قابض الجادي ......... ما اييـــــا وش منه ومنه في فــــريــــج السوق لا يمادي ......... ما يشوف الشمل لي منه شكل راشد بن طناف ركنا في برنامج الشعر الشعبي ، الذي كان يقدمه الشاعر ( حمد بن خليفه بوشهاب رحمه الله تعالى ) من تلفزيون دبي الأبيض والأسود وكان يشدوا بقصائده الساحره .. بين الحين والىخر .. كي تبقى رمزا لخلود ذكراه في عالم الشعر الشعبي الاماراتي .. والى الأبد.. واليكم قصيدتين من احلى القصائد التي كتبها ( تعتبر قصائد طناف من القصائد الهزليه ).. فشدا قائلا.. الاولى( والله والله ).. في الــمدرسه عني يدرس ......... يقــــــــــرى كتاب الألف والبي خــــــــلانيه يالس واكرس ......... بمضـــغ لـــــحمهم ناضي وني يــا مارس المهجه تمرس ......... تسحـــب وصدت القلب ب اللي دمعي على الوجنه يخرس ......... حبـــــــــك بلاني يوم انا اصبي لــــو شفتني شيبه وأفرس ......... وامــــــــــشي بعكازين وأرتي والله والله مــــا تــــعــرس ......... ما دام راسي بــــــــاجي وحي انـــا الذي ساجي واغرس ......... بيــــداركم خـــرفوا لـــي شوي عيـــزت كم أطبخ وأهرس ......... ويـــــــــوم غرفوا ما بدني شي كله كلـــــه ذاك المضرس ......... لــي يـــــــاي بخطوطه من دبي واجف على بابي واحرس ......... مــــره افـــــــــــــج ومره ازلي مـا دوق شراعي امترس ......... ولا نزل الفــــر من عن الـصي تصبغني ابــــجذبك وورس ......... عييت عنـــــــــــــك وبتبع الفي والثانيه ..( يا وليفي ).... ما قلتلك يا الغالي اطمــــــــــــن ......... خـــــــــــــل الدلع لا تصير بطران أخـيـــــر اطــــــــاوعني وتستـن ......... لا تستـــــــــــــــوي خبله وشيطان مـــــــا ريت لي فيكم حسن ظـن ......... غـيـــــــــر الرفاس وعض اللسان قـــــلبي عـــــــــــليكم دايم يحـن ......... وانتــــــــــــــــــه قليبك هوب حنان اتشوف عمرك في الوزن طــن ......... شـــــــــــــايب ووزني سبعة أطنان يتــــــــــــــك النفيعه سقط وجن ......... والبنـــــــــــــــــك لك مملاي نيطان حبـــــــك كمنجه فـ الحشا ايرن ......... ويــــــــحرك اوتــــــاري والاشجان يــــــــــــا وليفي يا صغير السن ......... لا تـــــــستوي لــي دوم منــــــــــان ان ييــــــــــت صوبك ريتك تون ......... وان سرت ترقص جنك حـــصــــان خـــــــــذت التذاكر .. قوم بنسن ......... ويــــــــاك بتــــــــــــزبن فـ لبنـــان غــــــــــــربي يبل بيروت بسكن ......... هنـــــــــــاك لا حاسد وونـــــــــــان ويـــــــــــن المدافع دومها تحن ......... لا تخــــــــــــــــــــاف متدرب وفنان علـــــــــــــى نبي الانس والجن ......... صلــــــــــــوا عليه من نسل عدنان كما صور بداية العشق حيث تبدو الكلمات ولهى مليئة بالأحاسيس الصادقة والشكوى فقال: أوياك متصلب ومشتد مالي هوس متغثبر البال مالي نديم غيرك ايسد أفسر له الغاية ولحوال وبعد ان هجرته محبوبته ، ولازمه الهم من جديد ، ذهب يخاطب أم محبوبته راجيا منها ان تأتي زائرة لتطمئن قلبه المغرم بأحوال العزيز الهاجر : يا أم الروح وش وياج جودي أبوصلج ريحته فيج ولي من وصلتي جنة أوياج ممنون ببشارة وبعطيج وفي محاولة للحفاظ على كرامته التي أهدرتها معشوقته تفجرت ثورته في قصائد من العتاب يقول فيها : يا نور عيني صابك اغرور والشي متوضح بيانه دومك جذوب اتلف واتدور للمكر عندك درفانه لم يترك الشاعر بن طناف بابا يستطيع تصويره الا وطرقه ، ونقل لنا من خلاله صورة من حياته ، فكما صور لحظات العشق والجفاء وعبر عنها بأحاسيسه المشبعة بتأثير البيئة التي تربى وعاش فيها والتي رسمت سمات شعره ، نجده يصور حالة اخرى حيث دون مشاعره أثناء تأدية فريضة الحج ودعوته لصديقه الحميم ورفيق درب الكلمة محمد بن علي الكوس إلى مرافقته: يا بو علي ليتك أويانا بتشم وتحصل أجر غير باتسكن الجنة احذانا وياقوت خله م المخاسير ولم تفت الشاعر ــ الى جانب ما سبق من اسهاماته الشعرية في العديد من المحاولات ــ فرحته المشاركة في الاحتفالات الوطنية والمناسبات القومية فقد حيا الزعيم الراحل جمال عبدالناصر في أعقاب العدوان الثلاثي على مصر عام 1956 قائلا: ألف الفت الكمال أسد الهيجا جمال وقعوا خبث العمال تحت ضغط ولهب كما مدح أصحاب السمو شيوخ دولة الامارات وفي مقدمتهم صاحب السمو الشيخ زايد بن سلطان آل نهيان رئيس الدولة رحمة الله تعالي وأدخله فسيح جناته : كم منزل أسس لسكان ها الدار وكم أسس اجيوش ودرب سرية ويا بو خليفة يا حمى الشعب واليار حشت المعاني والخصال الزكية من أشعاره هذه القصيدة التي ألقاها في الشاعر عبدالعزيز بن ادخين: احترك لولب من افوادي والشعر ينقاد لي فنه قمت أدير الفن بالجادي طاش لونا صرت مخفنه عم واملا الجاش واجبادي اندفق نل ويرى منه سال واسقى السيح والوادي الصبخ والرمل فاضنه انبت اشيار بلا جادي من فضل مولاي منشنه والعدو لي ياك متبادي ينكسر لي شافنا جنه المعلم بأول البادي ايقايس الحملين والغنه ينتظر في سير لبعادي والكمال ايصور قارنه بو سعود انته لي اسنادي اليلق لا اتصير مرذنه جاوب اللي قابض الجادي ما ايياوش منه ومنه في فريج السوق لا ايمادي ما يشوف الشمل منه وايضا من قصائده قال : هاض مابي مالمغاليجي مالخوافي نظمي نهرجي انطرب بالي نشف ريجي من ضيا المهجه ومحترجي وإن جزا غلجت مناطيجي واعتراني ذل عن هرجي يا شعرا ثيبوا مصاديجي جيف مدخولي من الخرجي الف دشو برج ياهيجي والف دبابه الطمت ثلجي اربعين له مطاليجي واربعه تمن وفن نهجي دقدق اعظامي تدقديقي يوم يلبس ثوبه اللهجي بوعويناتٍ مداعيجي وفي الصدر شوبين لارنجي شادهني مول ما فيجي في هواه مسيب ومسجي ساجني مويهة السيجي لي مشى غرياب غرننجي رحم الله الشاعر راشد بن طناف فقد عاش ساخرا ومات وفيا للشعر فقد نظمه في سنوات مبكرة وظل أنيس عمره ورفيق وحدته حتى وافته المنية أواخر أيام عيد الفطر عن 88 عاما أتمنى ينال أعجابكم وللأطلاع على جميع قصائده الضغط ع الرابط عفوا صاحب الموضوع تعب في احضار الروابط هذه فيرجى منك الرد على موضوعه لترى الروابط تقديرا له ولترى الروابط رٌد باستخدام الوضع المتطور للردفقط منقول........ |
رحمه الله عليه يسلمووو ع النقل |
| الساعة الآن 07:34 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir