منتدى استراحات زايد - سالفة منيفه والعجوز

بسم الله الرحمن الرحيم
اخواني واخواتي المكشاتيه
السلام عليكم ورحمة الله وبركاته
الاسبوع اللي فات سيرت على راعي العجراء وانا مسرور عندي فكره مضمونها اني آخذ منيفه وافكه منه اللي مبهذلته وناوي اني من هكالليله بدل ما اروح يم الشقه المفروشه أوديه يم دار المسنين والعجزه نيتي طيبه مادريت انها قراده
علمت راعي العجراء بالفكره وقام هلا ورحب ابن الحلال ونحر هكالحاشي ما كله حب بي لكن فرح وعيد على فرقا منيفه طبعاً كل شي تم بسرعه برق برق يوم دخلت على منيفه واسلم عليه واقول وشلونك يامنّوف والكح بعيني والا بجنبه مكنسه ام عصا انا شفت المكنسه وهو يمغصن قلبي المهم قلت يالله مشينا قالت وين قلت يم الشقه قالت اصبر وهي تلوح على المكنسه قالت اركب ورّك ( الرجلين من جهه وحده ) على المكنسه وانا اورك وهي تتلنا تلة وحده صاروخيه لانمر ولاغيره قالت تمسك وانا اتمسك بطرف البطان اللي متحيزمتن فيه وقناصيعه تلسب بصابري وجفوني وانا مغمض
طبعا رحله صاروخيه في مسافات الزمن وانا كلمالي اصغر لين وصل عمري ثمان سنين وهي تهدي والانا فوق هكالديره اللي نخل وبيوت الطين اللي انا خابر ونجي من عند دار لحاله ماهي كبيره له بجنب بيت المهم دنقت منيفه وهو يلبن اللي مدري وشو وانا امسط متمدد ويغمى علي اخذت شوي وابلج عيوني والاي تحت هكالمثعب من خشب اثل اثره هو اللي لبن يوم دنقت منيفه عنه
واناظر والا به عجوز واقفت على راسي هكالمتينه تقل ساريه قالت قم تعال وتدخل الغرفه وانا وراه والغرفه مليانه حشيش عشب ولا احسن من ريحته مخلط ربله وقحويان ونفل وسعدان وغيره قالت شف فوق العشب تحت الغما أكيد به بيض لان الدجاج بس يتردد على درا الحشيش العشب
قلت ما اطوله 00 دنقت وقالت اطلع فوق ظهري وهات البيض طلعت بس عجزت اركد ظهرها تقل جلي وانا تقل مفك صلصه عليه والحشيش ما به مقاضب اتمسك به
مرتين او ثلاث وانا اجي على خشتي ولا اتعور الارضيه كلها حتات وقشاش عشب المهم جبت عسيب وطلعت على الجلي واستندت على العشب وقعدت بهالعسيب اطيح البيض يمكن يجيلهن فوق الاربعين واكيد بعضهن مارج من البطا
وانا اطلع وهي جالست تجمع بيضه
شوي وتجي منيفه هي ومكنسته ورّك 00 ورّك وانا اورّك وتتلنا وترجع القناصيع تلسب لين وصلت الديره وهي تمسط بي على كبوت سيارتي وانا اتحمد الله على السلامه ومن باكر اروح لراعي العجراء واعطيه ورقه
قال وش هذي 00 قلت هذي ورقة منيفه طلاقها
قال عوذا 0000يافرحه ماتمت 000قل غارها يارجال يوم دمعت عويناته والله انه كسر خاطري بس الا تذكرت منيفه وهجولته على مكنسته قلت الفكه من جحا غنيمه
وانتهت السالفه والسموحه 0
محبكم
النبهاني