نصيحه لجميع الشباكه
 

بسم الله الرحمن الرحيم
مساكم الله يالخير جميعا
وفي موضوع يا اخوان حاب انوه عنه وهو: نشر صور الطير المشبوك وخصوصا الحر والشاهين من قبل بعض الاخوان بقصد التسويق او الفرحه وتبادل الصور للطير المشبوك
فنصيحتي لاخواني الشباكه عدم السماح لاي شخص بالتصوير نهائي
لان الصور تنتشر ويصير فيها ضلم للطير وخصوصا تصوير الليل وعلى سبيل المثال
اذكر لكم حادثه قريبه قبل حوالي عشرة ايام وهي :
ان احد اخويانا الله يرزقهم شبكوا حر تام ولونه حلو ومن خلا ل فرحتهم بالطير صوروا
وانتشرت الصور وتم تبادلها للجميع وفيه من قال الطير عادي ولونه خضر ومجهم واللي قال
هالكلام اعتمد على الصور المصوره بالليل والكل عارف ان التصوير يضلم ويزين الطير
والامر الثاني ويشهد علي الله ان انتشرت صور للطير قبل المزاد وجتني صوره من شخص
يسالني عن الطير يقول في ناس قالوا ان الطير هذا تفريخ
وقمت باخباره ان الطير هذا انا اتذممه انه شبك الحماد بين طريف وحزم الجلاميد وانا واقف على طرحته ً ً وهذا السبب اللي حبيت انوه عنه لان اخويانا تضرروا من هالسالفه وانهضم حقهم وحق طيرهم وكله يرجع الى ان الطير المشبوك ما لازم يجلب ولا يشال من محله واللي ييي الطير يجي واللي له نصيب ييي ياخذه والارزاق موزعه من عند الكريم
واسف على الاطاله وتقبلوا تحياتي