منتدى استراحات زايد - [ الليل غير ] لسمو الشيخ حمدآن بن محمد بن رآشد { الله يحفظـه ..

{ الســلآم عليــكم ..

آترككــم مع القصــيده ..

الليل غير الجو غير الشعر غير والناس غير
صلوا على ذكر النبي صلوا على ذكر النبي
تبونها بالشر شر تبونها بالخير خير
وإلا نحكم ها البنات فيما تبون ومانبي
جمهور غير بوشهاب غير فزاع غير والأب غير
صلوا على ذكر النبي صلوا على ذكر النبي
تبونها بالشر شر تبونها بالخير خير
وإلا نحكم ها البنات فيما تبون ومانبي
وأنا لحكمت البنات العذر يا الجمع الغفير
أرتاح من شكل الأسد وأموت في شكل الظبي
الأمسية ماهي بكرسي طاوله نجم كبير
ولاهي بإعجاب بنت فاتنة ولا صبي
الأمسية شعور أشعربه وأنا طفل صغير
في مشرقي أحس به وأحس به في مغربي
ومشاعري كني محرك من دبي عند العصير
لريس الدولة حفظه الله داخل بوظبي
من شدة النشوة على حد السحب يمكن أطير
مع صديقي وحبيبي وابن أمي وابن أبي
وفي المرجلة معاي خبرة سيد المجد الخبير
محمد بن راشد المكتوم فارسنا الأبي
والله لو مالي قدم تشلني على المسير
على دروب أهل المراجل والله ان لأحبي حبي
لكن حبيبة قلبي اللي ثائرة وتستثير
مشاعري ورغبتي وكل جهدي واتعبي
إن كانها من بينكم قولوا ترا وضعي خطير
دخيلكم دخيلكم ياهل الغطاوي والعبي
قدام تسمع صوتي اللي يبث على عبرالأثير
والا تشاهد صورتي على سما دبي
قولولها مشاعري في الوقت الأول والأخير
الأولة جتها هدو والثانية جتها سبي
بنت حريرية قبل ماتلبس أنواع الحرير
الشطر هذا للذكية ذيه ماهو للغبي
لو شفتها يا محمد بن المر مدري وش يصير
كتبت فيها أجمل اللي تكتبه يا صاحبي
ولو شافها ضيدان بن قضعان دندن يا ستير
وغنا لها من وصف نسناس الشمال اللي تبي
ولو شافها بن الذيب شل السيف من غمد الجثير
وأعلن حروب العشق في بحر الغرام العاربي
ولوشافها الشاعر سعد علوش وأرسل له نذبير
بأحلى قصيد صوب ابن جدلان سعد الأكلبي
ولوشافها حامد ولد زيد بشعور المستنير
لقى الخناجر الأربعة في قلبي وفي منكبي
ولوشافها الشاعر سعيد دري تلقونه كسير
يقرا عليها سورة الكوثر وصلى عالنبي
ولوشافها الشاعر خلف هذال بأحساس الأمير
راح السعودية كذا ساعة وراجع لا دبي
ولو شفتها يا أحمد نسيت الشعر والجمع الغفير
وطلبت ختم الأمسية يا ابن أمي ويا ابن أبي
حبيبتي أجمل بشر أحلى فرس أطهر عبير
وبين الظبى لو صنفوها ظبي هي أحلى ظبي

والسموحــه لو كآن فيهآ أي غـلط ..

ســلآآآآم ..}