|
راعي العجراء وشبيه جاكي شان قبل تقريبآ 30 سنه كان فيه سواق تكسي معروف في الدمام باسم راعي العجراء ملاحظه\\ لاحد يلخبط مع راعي العجراءالي معنا في المنتدى ويحسبه هو تراه يستاهل كل خير قصصه تعجبني وان شاء الله تعجبه قصتي المهم كان فتوه وشايف نفسه فوق الناس بحكم ان ربعه معه في سرى التكاسي في الدمام القديم اذا جاء يسفط على اول واحد في السرى ومحد يقوله شى من كثر مشاكله مع السواويق ضرب ومضارب لين شبع وصار عنده قريزه ان محد يقلبه وانه مارح يجي يوم وينذل فيه وربك مايضرب بعصى جا فلبيني يبي الجبيل ولقى تكسي راعي العجراء واقف في الاول طبعآ وكان في السياره واحد وراعي العجراء يصوت :director: الجبيل الجبيل الجبيل ركب الفلبيني في السياره وبعد شوي الا شباب جاين يبون يروحون الرياض اتفقو على انهم يقومون:redcar: السياره يعني لهم محد يركب معهم مطنوخين في وقتهم قال السواق خلاص ابنزل الفلبيني وخويه وبوديكم انا شفتو شلون هو بطل دامه في السراى هو الكل بكل قال انزل قال الفلبيني نو انزل نو انزل نو المهم عصب راعي العجراء ويسحب العجراء من تحت المرتبه بتحول يابوعيون ضيقه ولا الايفك بالعصى على ظهرك تجمهر الناس يشوفون وش السالفه مع بطلنا والفلبيني باقي مصمم على نو نو السواق دف الفلبيني بالعصى وينزل عليه وعينك ماتشوف النور الا راعي العجراء جاي مسفح من السماء على الكبوت والعصى من فوقه وهي الضربه القاضيه الفلبيني واقف وراه يحتريه يتحرك المهم راعي العجراء:burnout2: باقي عنده نفس ويصوت على مطلق يولد عمي لعنبوه هو ينه قال وراء يحتريك قال قولوله خلاص ابوديه الجبيل معاد ابي الرياض ومن يومها صار يمسك سرى مع الناس الله يعافينا شوفو اشلون الواحد لصار قوي يكون ظالم الفلبيني طلع معلم كرتيه وربعنا مابعد شافو جاكي شان على الطبيعه :good2: |
| الساعة الآن 08:18 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir