منتدى استراحات زايد - قصيدة سلطان الشاعربأسم رشيد والقطو

السلام عليكم ورحمة الله وبركاته

وينها القطوه وشلذي صـار .. انـا مخلـنـج تحرسـيـن
الفارخبـق كـل لقـشـار .. وانتي علامـج ماتحرجيـن
خابر القطـوه تاكـل الفـار .. وانتي صداقه ويا الفياريـن
مابينكـم احـيـد لنـكـار .. خابر عداوتكم مـن اسنيـن
مجنونة مـا عنـدج افكـار .. هذا صديـج مـول ميعيـن
يوم اتفقتو والصلـح صـار .. هل كيف حقـي ماتقوليـن
بخوز اقشاري عن الضـار .. ماتعلميـن انهـم مخربيـن
واليـوم باحملـج لخسـار .. واطلبـج يهالقطـوه الفيـن
يالخاينـه ماعنـدج اقـدار .. هل كيف منـي ماتحشميـن
قالت انته ماعنـدك انظـار .. وكله اتحكي بالحكي شيـن
خربوط وتزيـد بالاشعـار .. اول اعرفها قصتـي زيـن
الفار قربـي ساكـن ويـار .. ولجيرتـه قـدرت مسكيـن
وانـا معـي اولاد اصغـار .. آضعتهـم وعيـال يوميـن
لو انا قبضت فيمـب ليـدار .. عني قفز من تحـت ليديـن
وافتر عنـي يبغـي الغـار .. وبعدين خالف عالصغيريين
لو كان عـاده باخـذ الثـار .. مترى ضنايه عندي اضنيـن
احسن اليه باكـف لشـرار .. ماحب شي ايصير مب زيـن
قتلها ثر الشرف فيـج بـار .. دامج لعبتي علـى الحبليـن
ظنيتبـج قطـوه ملخـيـار .. مدريت لنج مـن لمجمريـن
حسبتي لنفسـج لهالضـار .. وليـش حقـي ماتحسبيـن
خبيلـة ماعنـدج افـكـار .. كـم طعمتـج بمـا تحبيـن
لي تشتهي نفسج وتختـار .. كل يوم لج سمكه وخبزتين
قالت جوابـك كلـه انكـار .. اصـدق ولاتغـدي ميينيـن
لاتستـوي بالقـول فشـار .. مدريت لنـه فيـك ويهيـن
مالعيش تطعمنـي القشـار .. ومالسمج تعطيني الغناغين
اتفـر عليـه خبـز كسـار .. غصيتبـه حتـى وديتيـن
قتلها نسيتي الـذي صـار .. بالصـدق قولـي لاتكذبيـن
نهـار ماعندنـا الخـطـار .. بقتي الديايه من ملة الصين
عمل شين ومول مب سـار .. يالهلعة الـي مـا تخيليـن
قالت انته رغيـب وعيـار .. وعند الاكل تاكل عن اثنيـن
تمر على البـارد وعالحـار .. وتلحس بعد حتى المواعين
مادام تلقف كل الذي صـار .. انا الاكل بينـي مـن ويـن
هبابـه لبطنـك البـخـار .. في كل ساعه لـه ويبتيـن
قتلها انتـي مافيـج مقـدار .. حيالـة وايـد اتهرجـيـن
امديم لـج بالكـذب تكـرار .. قصري السانـج لا اطوليـن
ذلفي وعندنا مالـج اقـدار .. وماباج فـي بيتـي اتميـن
وسيشلي اعيالج من الـدار .. امديم لعيالـي اموصخيـن
قالت اعيالـي كلـم اخيـار .. دايم مـع اعيالـك مسليـن
كم كم وكم فروهم بلحجـار .. كل يوم عندي ايون شاكيـن
سكـت وتحملـت لخـطـار .. اذيـة عيالـك هالشياطيـن
قتلها انتي وعيالج اشـرار .. وبيبين عند اشيوخج الوالين
بشكي مع الي ياخـذ الثـار .. مع شيوخ لقطاوه العدليـن
علمتهم عـن كـل لخبـار .. قالو عنها ماهـوب داريـن
قالوليـه لتكـون فـكـدار .. كلنـا لشانـك مستعـديـن
بنحكمها لـك حكـم جبـار .. من امـره صالـح فياريـن
هل كيف ماترجـع بلشـوار .. حتى اريساها هوب راضين
مديرهـا بايرفـع اقــرار .. وحق الوزير العلـم بيبيـن
مكتـوب بييهـا بلسـطـار .. فيه ختم حكامـه الفهميـن
توقيع مـن لقطـاو لكبـار .. للمحكمـة لازم اتحضريـن
ياها قطو شرطي ملشطـار .. عليه فوق الكتـف خيطيـن
اول امايـا نـاول اصطـار .. عالويه لين انصبت العيـن
ضيع حيلهـا وكـل لقمـار .. حنتي يهالقطـوه وبيبيـن
الحيـن تميتـي فلخـطـار .. لقطـاو بيونـج محرجيـن
وحكم عليها القاضي الـزار .. وثبت عليهـا جلـد ميتيـن
ويقول كانها مصادقـه فـار .. لازم عليها حبـس سنتيـن
تمت وهذا الذي معي صـار .. مدري منو ليغالـب الحيـن
سلطان دوم ايقـول لشعـار .. فكـلاب وقطـاوه وفياريـن

وصح الســـان الشاعر