منتدى استراحات زايد - عطل سيارتك مع مهندس سعودي .... اراء وتجارب

ابدخل بالموضوع من اوله وبدون مقدمات

كثر من كلام الاعضاء اني ذهبت للورشه الفلانيه وغير كيت وكيت ولاضبط وغشن ولعب علي الله لايوفقه ومن هالدعاء على صاحب الورشه

ويجي شخص يدافع عن صاحب الورشه وانه مهندس معروف وممكن ان اللي كتب الموضوع نصاب وكذاب ويتكلم على صاحب الموضوع

مما يفرح العين ويبهج القلب ان ترى سعودي بورشته ويكسب من شغل يده ولكن السعودي ماحترامي للجميع وانا انقل مارايته بعيني (عن تجربه) وليس على سبيل العموم

ياتلقاه نفس زينه وعسل او كده وكنه يبي يصلح موترك ببلاش ولايبيك تسئله عن شي يعني تقول عندي مشكله الفلانيه يقول نصلحه لك تقول وش السبب يقول شغلتنا طيب موتري ماتبين اعرف وش صلحت او غيرت

يتفق جميعهم بالسعر تلقاه زايد شوي لكن خاصه اذا كان هذا مصدر رزقه لان الغلا عم وانتشر ( وليس سبب منقع)

بالنسبه لتصلحيهم واخطاهم هي اجتهادات شخصيه وعن خبره باختلاف خبراتهم ومدى معرفتهم الجيده بالاعطال واسبابها

لكن انت ياصاحب السياره اذا كان عندك عطل اذهب الى عده ورش واسئلهم عن المشكله والحل واكتب بهالمنتدى خاصه اذا كان عطل لايوقف السياره
ستجد مايجتمع عليه كلام الورش من سبب وكذلك يوكده من بالمنتدى من مشرفين واعضاء

اغلب المهندسين السعودين تجده متخصص بنوع من السيارات او فئه معينه كا متخصص بالجيوب بانواعها او متخصص باصلاح القيور او من يشتغل ياباني لو تجيب له امريكي مايشتغل به ابد

فمن تخصصه يكون عارف الاعطال المتدواله واسبابها فمثلا
عندك رجه بالموتر يقول السبب لك كيت وكيت لكن تجده يفحص لك الاسباب فيجد احدها خربان فيقوم بتصليحه ....الخ

وننتظر منكم الردود وابدء الراي والتجارب بدون ذكر اسماء ورش