منتدى استراحات زايد - طلعة صيد حدث فيها شئ غريب

بسم الله الرحمن الرحيم

ياهلا وغلا بأعضاءنا وزوارنا الكرام

عدنا لكم من جديد وبتقارير جديدة وإن شاء الله تحوز على رضاكم

في البداية بعطيكم قصة مثيرة بالنسبة لي حصلت لنا قبل أسبوعين

طبعاً أنا وأثنين من الزملاء ( zarksh - oula ) قررنا نطلع رحلة صيد على شاطئ تالا في هافمون

أكيد أهل الشرقية والرياض يعرفون هافمون

شاطئ هافمون = Half Moon Beach

يعني شاطئ نصف القمر

لكن المتعارف عليه بمسى هافمون

شكلي طولتها وهي قصيرة

المهم

وصلنا تقريباً على الساعة 11 ونص في الليل

وبدينا نصيد

والحمد لله صيدنا لا باس فيه

ومع السوالف والضحك كانت الطلعة مرة حلوة

ومع مرور الوقت وهدوء الصيد

خليت السنارة على القاعدة الخاصة لتثبيتها وجلست أزبط سنارة خويي

وبعد لحظات وفي لمحة البصر

صار شئ عجيب وبصراحة ماتوقعنا

وقلوبنا فزت من الي شفناه

في لحظات لمحنا فيها سنارتي وهي تطير من القاعدة وطيران للبحر

جتها سحبة قوية من سمكة ( بصراحة نفسي أموت وأعرف وش هي ) وشدتها لداخل البحر

قلنا نلحق السنارة لكن وييييين نلحقها

بصراحة جلسنا نراقبها وإحنا مقهورين وهي ماشية لوسط البحر لين أختفت

والله جلسنا وإحنا مغبونين نفسنا نعرف نوع وحجم السمكة الي سحبت السنارة

لكن راحت السمكة وراحت السنارة - وراح معاها أمل واحد من الشباب الله يستر عليه :D

وحصيلة صيدنا ذاك اليوم

http://vb.h777h.com/imgcache2/100929.imgcache2.gif

ورجعنا لبيوتنا على الصباح

طبعاً زي ماقلت لكم سنارتي طارت في البحر

ماركتها GMC ولونها أزرق

ممتازة مرنة وقوية وتحملت أشياء كثير

قررت أني أشتري مثلها

لكن للأسف أنقطعت من السوق ودورت وبحثت لكن ما لقيت

لكن الشركة نزلت موديل جديد مثلها ولونها أحمر على عنابي

لكن أنا ما أعرف مدى قوتها وتحملها مثل الزرقا

توكلت على الله وأشتريت الجديدة

GMC العنابية - طولها 5 متر

والماكينة بانكس 7000

والخيط

superdp

وشريت لها قاعدة المنيوم وماسكات بلاستك مقوى

ونوعيتها ممتازة في تثبيت السنارة

( ناوي على السحبات الجاية )

وأتركم مع الصور

هذي العصا ويبان نوعها وطولها

http://vb.h777h.com/imgcache2/100930.imgcache2.gif

هنا العصا مع القاعدة

http://vb.h777h.com/imgcache2/100931.imgcache2.gif

هذي القاعدة

http://vb.h777h.com/imgcache2/100932.imgcache2.gif

وهذي المكينة

http://vb.h777h.com/imgcache2/100933.imgcache2.gif

وهذا الخيط

http://vb.h777h.com/imgcache2/100934.imgcache2.gif

طبعاً أكيد بتباركون لي بالعدة الجديدة

وتنتظرون تقارير الصيد القادمة من السنارة الجديدة

ومالكم إلا السمك الطازج والي تحبه قلوبكم