|
القرد السفااااااااااااااااااح السلام عليكم ورحمة الله وبركاته هذي سالفة قصها علي رجال اسنافي شروى هالوجيه الطيبه القصه : الرجال قصاب وعنده محل بالرياض ، يقول مره ونا جالس بالمحل الساعه تقريباً 11 ظهراً . الا فيه جماعه يحرجون على قرد يقول شالتني القراده وقلت بشتريه يوسع صدري ويلعبون عليه الوراعين المهم شريته يقول ربطته بالهنقلين حق الهايلوكس موديل 78 بالعاده إذا اذن الظهر سكرالمحل وسرى لبيته يقول ونا امشي بالدايري الجنوبي بالرياض الاحظ كل واحد يسقط علي يأشر بيده ويضرب بواري بشكل عصبي واحد اثنين ثلاثه الا يوم اني شكيت بروحي وش فيه ملفت يخلي الناس تهاوشني يوم هديت السرعه وقلت خلني اشوف وش فيه يوم التفت ورى للصندوق الا والله القرد مسوى فيها طرزان متمسك بالهنقلين من الجنب الي يم السواق ومعه سكين كبيره لأن القصاب واضع السكاكين بالصندوق ومغطيهم بفرشه المهم معه السكين ويلوح على السيارات المتجاوزه والسواقين مرتاعين خايفين لا يجيب رقبة واحد منهم يقول ونا الي البق وهات وخذ مع القرد معه سكين وخايف يجر على رقبتي يمين يسار لين جاب الله واحد معه فواكه وعطيه الموزه وهو يرمي السكين ونا الي اطق بيديه ورجليه السلسله وحراج بن قاسم وبيعه بتراب الفلوس ونا اقول شوي ولا ذبحني يعني لو تقدم شوي كان وصل لرقبتي خصوصاً ونا فاتح القزازه الي يمي .. لا وسكين قصاب والله من الشطارة ... ارجوكم عدم الشرهه جديد بسرد القصص .. اتمنى تعجبكم تحياتي ،،،، |
| الساعة الآن 04:08 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir