منتدى استراحات زايد - غشيم وبيلعبون علي الفزعة

السلام عليكم ورحمة الله وبركاته

العلم وما فيه يا جماعة الخير ان الوالد الله يحفظه وصاني ادور له سيارة تناسب احتياجاته ووضعه المادي ( يعني تقسيط او منتهي بالتمليك ) ووقع الاختيار على جمس حوض غمارة ونص دبل. الرجال قاعد يعمر ويبي ينقل عليه اغراض بالاضافة الى انه راعي بران واعتقد ان اختياره موفق

اللي محيرني هالحين بعض الاشياء اللي ابيكم تفزعون لي فيها:

اولا : انا محتار بين السييرا والسلفرادو
ثانيا : وش المواصفات اللي تنفع الوالد (1500 او 2500)
ثالثا : المعرض او الوكالة اللي تقسط ولا تغث الواحد.

واللي عنده ولو مستعمل استعمال حشمة وموديله من 2006 وجاي وبهالمواصفات ولا عنده مشكله في التقسيط (على اربع سنين) تراني ابدعيله لأني ما ودي ان الوالد يدخل في متاهة المنتهي بالتمليك.

رحم الله والديكم وجزاكم الله خير