منتدى استراحات زايد - الديار لها معالم والرجال لها مواري..مصلح بن عياد

قصيدة نظم للشاعر مصلح بن عياد

يا الله يا خلاّق يـا رزاق يـا عالـم وداري
عالـمٍ مـا فالظمايـر عالـمٍ مـا فالنوايـا
يا الذي بأمرك وتدبيـرك يهبـن الـذواري
والبروق تلوح والوسمي يهـل مـن العشايـا
صك عنّا باب شر وفكنا مـن كـل طـاري
طاريٍ فيـه التحـدي والتمـدي والقصايـا
يا سلامي يا ذرى اللي ما تهيا لـه مـذاري
يا سبيع أهل الشهامـه والكرامـه والعطايـا
يا سبيع اللي تكلم عنكـم الأمـر الـوزاري
يوم عد السربه الستيـن وظهـور المطايـا
يوم أبو تركي فرق ما بين الأصلي والتجاري
قام حظ سبيع لين الذيب عاش مـع الرعايـا
يا زحازيح الرجال ويـا مقابيـس الغـداري
يا منجيـن الدخيـل أليـا تلاقـن السرايـا
يا سلاطين القتال أليا أرزمت حـم المقـاري
وأختلط عج الثميـدي والمشـوك والشظايـا
ميزة الخيال منكـم مـا يصـد ولا يـداري
ما يهاب الموت لو يقلط على حوض المنايـا
يسبق البارود والعبرود من خشـم السـواري
داهيه ما هـو محسّـب للرياجيـل الدهايـا
ما يحلابه يكـود الصقـر لا داس الحبـاري
مثل ما قـال المثـل خيالهـا يـا بالحكايـا
يا مشاري يا صلاب الروس يا عزوة مشاري
يا شيوخٍ من شيوخ سبيع عذبيـن السجايـا
يا وجيه الخير جيناكم طفيح مـع البـراري
طالبيـن العفـو والسمحـان والدنيـا بلايـا
الليالي ما يكافـي شرهـا عـازل حـراري
والعوارف ما يجـازون الخطايـا بالخطايـا
والمذاهب تجبر اللي ياخـذ القالـه جبـاري
والرجال الطيبيـن اللـي يحلـون القضايـا
رايكم يا سبيع ما هو رآي مزري وأمتزاري
ساعةٍ يعتق رقـاب وساعـةٍ يهـدي هدايـا
الديار ألها معالـم والرجـال ألهـا مـواري
عفو عند المقدره يسوى مـن الدنيـا قرايـا
فالكم منّا ومن معنـا ومـن كاتـب وقـاري
رآيةٍ بيضاء حلايهـا تفـوق أعـن الحلايـا