لكل الزوجات مواصفات الزوج الخائن

اولاً

...

موبايله دائما مقفول بكلمة سر (باسوورد)...وإذا عنده موبايلين فاثنينهم مقفولات بنفس كلمة السر..
وإذا تسأليه عن السبب يكول: (حتى من يضيع لو ينباك محد يكدر يستعلمه)

ثانياً


كل ما اتخابريه يطلعلك (انتظار)... أما بالبيت فنادراً ما يتصل... لييييييييييييش؟؟

ثالثاً


من يوصل للبيت يخلي موبايله على (الصامت)... والله شنو... ما اريد أحد يزعجني!!!

رابعاً


إذا طلع من البيت للشغل لو للسوق لو يم جماعته ونسه موبايله... يرجع للبيت وره دقيقتين مثل (الطللللللللللقة) وياخذ الموبايل...

خامساً


إذا جان نايم يقفله للموبايل... كلشي يصير... إحتمال يدك لو تجيه رسالة وهو نايم وميدري... واتروحين (من باب الفضول) اتشوفين منو لو تقرين الرسالة

سادساً


عنده (ردود استباقية).. يعني إذا دك موبايله.. يرفض المكالمة ويكول:... (آآآآهووووو، والله ثبرني فلان.. صار خمسين مرة يدك عليه... ما أريد اجاوبه)... زين إنت منو سائلك؟؟ حتى اتبرر..

سابعا


يسولف بالموبايل من أماكن غريبة... مطبخ.. حمام.. حديقة..

ثامنا


الأسماء في موبايلة غريبة مثل


أبو غادة... يعني غادة


عنتر... يعني عبير


أنور... يعني نورا

تاسعا


فجأة يصير وياج رومانسي جداً ويحبج ويتغزل بيج وبدون سبب او سابق إنذار..... هاي يسموها عقدة الذنب

عاشرا


ما يمنعك من الروحة لأي مكان... للسوك، للنادي، يم صديقاتج... المهم متبقين يمه حتى ياخذ راحته...

احد عشر


كلما يجيب طاري الجهال يكول: (جهالج)... وميكول (جهالي) لو (جهالنا)... شي لا إرادي تسبق عملية اي زواج ثانية

إثنى عشر


إذا رحتي لبيت أهلج يخابرج ويكول:... (إذا متونسه خليج يمهم، وباتي همين إذا إتريدين)...

ثلاثة عشر


يسولف بالأمور النسائية بشكل تفصيلي (حمل، مكياج، أظافر، رجيم، )... بحيث تستغربين منين جايب هالمعلومات التفصيلية؟؟...

أربعة عشر


من يكون عنده موعد وياها... يسويله أي مشكلة وياج ويتعارك.. ويطلع من البيت... حتى أخاف اتخابرين عليه ميجاوبك.. والله شنو!!!!... زعلان منج.

خمسة عشر


من يوصل للبيت بالسيارة.. يبقى كاعد بيها فد عشر دقائق.. وراها يطب للبيت...

ستة عشر


كل كلامه ويه جماعته بالألغاز... لأن كلهم على شاكلته.. كل مواضيعهم عن بنات