منتدى استراحات زايد - سالفة القرود

بسم الله الرحمن الرحيم
اخواني واخواتي المكشاتيه
السلام عليكم ورحمة الله وبركاته
هذه السالفه جرت في سنة من السنين يوم الدنيا دنيا كان عندي شغل في بلجرشي المدينه الجميله بالجنوب الحبيب
يوم خلص شغلي عقب الظهر قلت اباخذ لي غدا وفعلا مريت مطعم بخاري اذكره الى الان كان على الطريق العام اذا طلعت من الديره تلف يمين كانك رايح يم النماص وابها المهم اني اخذت نفر رز ونصف دجاجه وبيبسي سفري وركبت سيارتي يوم تعديت الديره وانا ادخل بهكالغابه بجنب الخط واجي تحت شجره وافرش الفرشه واجيب الغدي واقعد احوس به وانا مدنّق مدنخر واسيت الغدي وارفع راسي يوم جان البلا والجلا والا قدامي حول عشر قرود أو اكثر صافات على شكل قوس مثل قوس خط الثمان طعش
لاحس ولاصوت لو اني عما مدريت عنهن وهي تضيع المراجل اللي منهن الكرم لاني ما عزمتهن ونقعد مشبصين يعني مانتحرك كلنا بس مشوشين في بعض انا خايف ليهجمن علي واصير انا الغدا
وانا ألقط بسرعه هكالحصاة اللي يالله تشيله يدي وارفعها والا والله ما بقى منهن ولا واحد بلحظه هجن اسم الله تقل جن يوم ارتحت ورجعت المراجل اللي من ضمنهن الكرم وحط الغدا على جنب ومعه الببسي عقب ما فتحته لهن
واخليه لهن بدون منادى

واضف الفرشه واركب السياره وعلى المطعم واطلب غدا بس هالمره ماهو سفري واللي بالمطعم يحسبن ما شبعت وغداهم زين مايدري عن اللي صار لكن انتم دريتوا وسامحونا على القصور

محبكم
النبهاني