|
ناصر البكر الزعابي_حضرة الخاين 2011 سمّيت نفسك ماتعرفني جنابك ياحضرة الأستاذ بسّك خديعة ليت الذي نسّاك لا عاد جابك كانه خذاك اليوم عنده وديعة تنسى عزيزٍ وقت الامحان ثابك سلّم سلام الله وقصدك قطيعه اقطع قطعك السيف ماانشد جوابك من باعنا ملزوم رخصٍ نبيعه ياالواهم المغرور ضحّاك نابك تضحك على خيبة حياةٍ شنيعة قزّرتها بالذلّ مفتوح بابك للي يبي وش هالسوايا الفظيعة عييت يالمغتر تداري خرابك دامر ولا تدري نصوص الشريعة لا ياعديم الذوق لا مرحبابك جاحد وعينك بالخيانة ضليعة دوّر على واحد يلاحق سرابك مثّل معه دور البطولة وطيعه لا نلت غاية منيتك مادرابك غير الخناجر في ضلوعه مريعه واصبح ضحية من ضحايا عذابك عذبك ربّك بالبلا والفجيعة لاتعتقد قلبي يخاف ويهابك في معركة الاحساس روحي منيعه http://soutalain.com/songs/song_listen_1536_1 |
من باعنا ملزوم رخصٍ نبيعه شاعر مرهف بمشاعره وكلماتهـَ . . قرأت لها سابقا كذا قصيده / أعجبت بطريقه كتابته واعجبني اكثر نقلج لنا لنستمع مثل الشاعر المميز ناصر يعطيج العافيه |
شكرا لكي ربي يسلمك |
| الساعة الآن 05:55 PM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir