|
موقف طريف.. الهواويه السلام عليكم ورحمة الله وبركاته اخواني الاعزاء اعضاء ومشرفين مكشات اليوم حبيت اشارككم بموقف طريف حصلي قبل شهرين في مدينة الشرقيه كنا طالعين اجازه هناك عااااد اختكم الهواويه متعووده على جو الرياض:l تعبت عليهم هناك وصارووو بدل ما يتمشوون ويوسعون صدورهم ياخذوني من مستشفى لمستشفى :( المهم اتفقوا ذاك اليوم على الطلعه للبحر وفعلاً طلعنا وفرشوا الفرشه الحمراء المنكوبه رحت مع اخواني يلعبون وانا في العالم الاخر ما باقي الا امي وابوي بعد شوي حسيت اني تعبت بزياده قلت لهم برجع اجلس مشيت شوي الى احسن شي اشوفه الفرشه الحمراء وعلى طول اجي عند امي واتكي عليها وامغط رجولي واطلع جوالي اقلب فيه ما دريت الا الحرمه حاطه يدها على كتفي وتقولي لو سمحتي ناظرتها لينها مو امي اناظر الرجال لينه منزل عيونه للارض وميت ضحك شكلهم توهم معاريس :D بغيت انجلط وافز بسرعه وركض لفرشتنا وما اخفيكم اني اكلت علقه محترمه من ابوي ضيعت المرض منها ارجو ان تحوز على رضاكم . . . الهواويه |
| الساعة الآن 12:11 AM |
Powered by vBulletin® Copyright ©2000 - 2026, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir