مروحة مكيف الباثفندر ... عطوني رايكم
 

السلام عليكم ورحمة الله وبركاته

يالربع تخبرون مروحة دفع هواء المكيف اللي تجي ورى الدرج الكبير بالطبلون (باثفندر 2004)

صارت اذا شغلت المكيف تطلع صوت قوي وعرعرة ، فكيته مره ونظفت الدينمو بالهواء الضغط وطلع منه برادة ياساتر ، ضبطت امورة لفترة ، لكن الان رجع يطلع الصوت اقوى وبصوت مزعج للغاية ، الصراحة ماعاد صرت اشغل المكيف خفت لايحتر الدينمو مع الحكة اللي فيه ويشب .

الشاهد اتصلت الحمراني قبل شوي وقال الدينمو يجي كامل مع مروحته وبسعر خيالي ، تخيلوا الدينمو صغير وبحجم قبضة اليد وقيمته عندهم 1068 ريال .

الصراحة السعر مبالغ فيه ، لذلك فكرت هل الدينموات ممكن تتصلح !!!

اذا احد له معرفه بدينمو بديل او شبيه له ويركب ينصحني ، او على الاقل اذا فيه محلات تصليح معروفة لمثل هالمشاكل .

وجزاكم الله خير الجزاء جميعاً