|
سالفة:فرعون مدحدر..قوافي بسم الله الرحمن الرحيم ياهلاومرحبا بكل من مر بصفحتي الغاليه هذي السالفه من السوالف اللي لما اتذكرها اقول الحمد لله لين الحين عايشين كعادة اخوي يطعس بفرعون على طعوس الدهنا وكل ما طلع طعس اسسسملاه عليك تقل مجبر وهو يرفع ضغطك وانت تشوفه راقي ومحول بذا الدوده العجيبه ودي اسطره قررو اخواني يتمشون بسياره وحد ولين أخوي ابو دلة الملوحي يطعس بفرعوننا المدلل ونادوه اخواني بالكينوود يافلان تعال نبي نروح نتمشى ولينه يستعرض قدامنا وفوق الطعس اللي حنا حدره قاعدين يامساكين ياحنا منحشرين بين عرق ولا تروحون او تجون ويطعس بعد فوقنا ياله ما علينا المهم منزال السياره بعيد قالو خل فرعون وحول على رجليك اقرب ووقف عمي وحط خشة فرعون لناقالت الوالده لا يدحدر ياجنيني قال:لا يمه وش يحرك ذا الداهيه راحو وما بقى عندنا إلا شايبنا الوالد الله يحفظه قعدنا بمكاننا نتقهوا ونسولف ولا عندنا ادنا فكره وش بيصير وما سمعنا إلا طقطقه تقل واحد يتمطع وعظامه تمغط وما امدانانتلفت الاوفرعون جاي من فوق وعلينامدحدر وصراخ وين نزبن منا خيمه ومنا راوية الماءوحطب ومنا سيارة الوالد ومن الخفه والارتجاج اللي حصل ما استوعبنا ان الاخ الكريم فرعون المدلل لف دركسونه ووقف ما كمل لأنه طاح على وجهه بحفره صغيره وصاربدل ما يمشي على 4 كفرات وقف على خشته وما تحرك لاخلاولا عدم تصرف من نفسه وما شفنا إلا غبار اخواني سلامات سلامات اكيد سلامات هذا فرعون موب اي كلام وسحبوه بدركتر والغريب انه مشى ولا كن صار شي لله دره من فرعون تحياتي اختكم ..قوافي.. |
| الساعة الآن 11:48 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir