منتدى استراحات زايد - صور صيدنا من رأس الزور .. " رأس الخير " !!

السلام عليكم ورحمة الله وبركاته

بعد أن تم منع استخراج التصاريج للتنزه والصيد بجزيرة أبو علي , توجهنا لاستكشاف مناطق بعيدة مثل ( الفريع , النقورية , صدوي , مرير ) , يوم أمس قررنا أنا وأثنين من الزملاء التوجه لمركز " مرير " التابع لرأس الزور بطلعة صيد استكشافية بدأناها من الخامسة عصراً وحتى صباح اليوم .. وكانت رحلة متعبة نوعاً ووصلنا البيت الساعة 10 الصبح لسببين :

الأول : تعطل علينا الجمس وفضت البطارية , وقبسنا في واحد من الشباب كان يشحن جواله في السيارة طول الليل :D , وأخذنا ساعتين لين ماشغلناه بدفه بعد ما أهلكنا .

الثاني : نفس صاحب الجوال ماسكر باب الحوض مضبوط , وحنا ماشيين على على طريق ابوحدرية باتجاه الدمام , تفاجأنا بواحد مشى قدامنا ويدعس بريك ويأشر ورى .. ونطالع إلا الثلاجة اللي فيها البارد مختفيه والباب مفتوح :eek: .. ورجعنا إلا الثلاجة صايره على يسار الخط والغطاء صاير على اليمين .. نزل واحد من الشباب وشل الثلاجة وهو متوجه للغطاء إلا بتريله جات وداسته وحك راسه ورجع .

نعود للموضوع :

الطعم : ميد وربيان
الخيط : 50
الثقالة : 2
الميدار : 12

أكثر الصيد كان وقت الثبر " الجزر " ونترككم مع الصور :

3 حبات مزيزي
http://www.mekshat.com/pix/upload05/...1109161242.jpg

المزيزي الكبير صورة مقربه مع الدم والذبان

http://www.mekshat.com/pix/upload05/...1109161238.jpg

3 حبات شعم " عراضي "
http://www.mekshat.com/pix/upload05/...1109161239.jpg

تشكيلة منوعه من القرفان الكبير والمزيزي الصغير مررره .
http://www.mekshat.com/pix/upload05/...1109161240.jpg

وحره عملاقة
http://www.mekshat.com/pix/upload05/...1109161241.jpg

المنطقة بشكل عام , فيها خير وفيها سمك وخصوصاً في البطح اللي قدام المركز , لأن كل صيدنا في داخل البطح اللي قدام المركز طبعاً ومستوى البحر وصل للركبه ثم يتراجع ونتقدم مع الجزر .

تحياتي لكم .