منتدى استراحات زايد - ( سوالف الشواب )

هلا وغلا

يبتلكم قصة تضحك بس كملوها لين النهاية

( سوالف الشواب )

قصة الشايب اللي يودع 5000 ريال يوميا في البنك و لمدة شهرين ؟؟؟

استغرب موظف البنك من قدوم هذا الرجل الكبير يوميا للبنك منذو شهرين ليودع 5000 ريال يوميا؟!؟

فذهب الموظف لمدير الفرع فأخبرة عن قصة هذا((الشايب)).

فقال له المدير لعله يضن أن الإيداع مثل السحب من مكينة الصرافة وإن الحد الأعلى للإيداع هو5000 ريال كما هو في السحب اليومي.

فقال المدير للموظف إذا جاك غدا خله يمر علي ضروري ..

وكالعادة جاء الشايب على موعده اليومي...

وقاله الموظف مر على المدير فقال الشايب خير إن شاء الله، المهم سار الشايب عند المدير...

سأله المدير شو قصة الـ5000 ريال اللي تودعها يومياً؟ لو كان عندك مبلغ كبير تقدر تودعه مره وحده ويكون أحسن لك.

رد الشايب وهو يضحك قال: ماعندي مبلغ هذي أكسبها يوميا.

قال المدير عندك محلات يعني

رد الشايب لا، بل أنا أراهن يوميا على 5000 ريال وأكسب الرهان..

استغرب المدير قال له كيف ؟

رد الشايب: طيب أنت تراهني الحين على 5000 ريال اني أقدر أحب عيني هذي.

قال المدير أراهنك فإذا
بعينه تركيب أخرجها وحبها و أرجعها فكسب 5000 ريال من المدير...

مات المدير غصه على الـ5000 ريال.

فقال الشايب تراهني ثاني مره على اني أعض إذني..

نقز المدير على أذاني الشايب علشان يتأكد هي تركيب أولا، فإذا أذانيه ما هي تركيب.

قال المدير الحين أراهنك.

المهم قام الشايب وطلع طقم
الأسنان وعض أذانيه ورجع الأسنان...

وفي النهاية أخذ الشايب من المدير 10000 ريال وراح الشايب.

في اليوم التالي المدير سار عند الموظف وقاله إذا جاك الشايب خل يمر علي.

المهم جاء الشايب وقال له الموظف مر على المدير يبغيك.

قال الشايب عطني ربع ساعة وبسير عنده، المهم دخل
الشايب على المدير.

وقال له المدير ياخي حرام عليك انت ضحكت علي امس واخذت فلوسي دون وجه حق!!!

وبانت على الشايب ملامح الأسف قال الشايب طيب تراهني واذا فزت أنت أعطيك فلوسك وفوقها 5000 ريال، واذا فزت أنا ما أبغي منك شي.

فكر المدير (عدل) العرض مغري مب خسران شي في كلا الحالتين مب خسران.

قال موافق قال أنا أراهنك على إن سروالك الداخلي أزرق؟!؟

قال المدير فزت عليك سروالي أبيض

قال الشايب خلني أتأكد وأشوفه!!؟

قام المدير وبكل ثقة وفسخ ملابسه وقال له شفت أن أبيض الحين عطني الفلوس

ضحك الشايب وقال له المدير وليش تضحك؟!؟

قال أن أصلاً مراهن كل موظفين البنك على اني افصخك ملابسك بـخمسين ألفِ ريالj