منتدى استراحات زايد - [شرح] أسرار ارشفة الموقع في بضع كلمات

بسم الله الرحمن الرحيم

وبعد أطلاعي على الكثير من المنتديات ومشاركتي بالكثير من المنتديات

ومعاهد الويب و الهاكات ومواضيع الارشفه الي غرئانة في جوجل

وكل واحد يجي يحكيلك كمشة معلومات وتعال طبق وامشي معو

وما تخلي مواقع وطرق ومواضيع وهاكات وتتعب ايام واسابيع وتسهر ليالي مع السيجارة وكاسة القهوة , تنصدم انو مافي نتائج وتتوتر

بس انا ووجهة نظري الخاصة ومتل ما حكيت فوق

لا هي خبرة ولا حتى اعرف للارشفه اساساً ... بس اقتناع ذاتي بعد ما شفت الشي بعيوني

وتسائلت ليش كل هل مواضيع عن الارشفه بالرغم تشوف موقع فلان ماشاء الله وتبارك

يعج زوار ويعج اعضاء من اماكن وما هب ودب ...

وتسجل عندو وتلقى موقعو كلو كوبي باست

ومافي عندو ولا هاك ارشفه :shiny01: واستايلو مليان اغلاط :nosweat:

ولا في بي سيو ولا في بي يو :strongly:

تروح لشخص تاني تلقى عندو هاكات ودنيا وبلاوي وارشفه ودفع فلوس للارشفه

بس مشان الله تعال يا اعضاء :bleh:

وهلم جرررررر :)

وانا اقولك وين اسرار الارشفه وكيف تكون صاحب موقع وموقعك ماشاء الله

1- التوكل على الله بكل شيء .

2- النظر بعيونك الى الله وخشية الله .

3- هدف راسخ لفتح الموقع ؟ ( واضحة كتير هلا صار تلاقي شخص يفتح موقع ليش ؟ اسالو ؟ ما يجاوبك :shiny01: يا اما رح يقولك تسليه )

4- طموحك ونظرتك المستقبليه لموقعك ؟ ( واضحة كتير كمان .. اتطلع لموقعك لنظرة مستقبليه لا تطلع على موقعك اول ما تفتحو تعالو يا اعضاء سجلو وبس :nosweat: و بكون مبسوط من هل شغله ولما يسجل عضو - يا مرحبا يا مرحبا خود اشراف - خلي عندك طموح ونظرة مستقبليه هل ستكون حمل وصاحب مسؤولية )

5- تصميمك يكون جذاب وذات معنى لموقعك ؟ ( تيجي موقع اسمو - صحراء - وحاطت ستايل سماء زرقاء وخضرا واشجار ومياه - يا عم ما اسم موقعك صحراااااء او لموقع اسمو الحب الهادئ تلقى عندو ستايل اسود وصورة عروسة لابسة زهري وبتلمع ) تصميمك لازم يكون ذات معنى لأسم موقعك .

6- ابتدي موقعك بافكار منك ولا ضير باخذ افكار من هون وهناك وتطور الفكرة باسلوبك ؟ ( يعني تيجي ترايدنت وعذراً ولكن كسبيل المثال ( فاتحين قسم هاكات واستايلات - لا ضير تعمل نفس الشي بس ما تيجي تسحب نفس القوانين وتاخد اول صفحة من لستايلات والهاكات - طور فكرتك )

7- اصدقاء x اصدقاء .. وهاد احدى اسرار نجاح الموقع يكون الك معارف واصدقاء . والجنة بلا ناس ما بتنداس . وأيد وحدة ما بتصفق .

8- انشر موقعك بالفيس بوك + تويتر + المواقع الاجتماعيه بطريقه جذابة .

9- ضيف موقعك لجوجل كالمعتاد هاي مافي عليها كلام

10- ضيف موقعك بالادله باستمرار وبشكل يومي .

11- انساك من قصص الارشفه وممنوعات الارشفه .

12- لا في بي سيو ولا غيرو ولا هاكات ولا شي كثر والي يعجبك اعملو .

13- لا تستغرب من كلامي ارجع لاول خطويت بتعرف ليش

وسر نجاح اي شي هو التوكل على الله وتحط مخافط الله بعيونك

وصدقوني يا اخوان اعمل الي انتا تشوفو مناسب ... وهاي بعد قناعه

وكتر فتح المواضيع الي زهقت من كتر ما حطيت عن استفسارات وغيرو

بس بعد ما شفت وتعمقت بكتير مواقع تاكدت كل التاكيد انو لا هاكات ولا جوجل بمنع ولا غيرو

الخطوات الي حكيتلك عليها واهم اشي انك تتوكل على الله والي بتشوفو مناسب ويريحك انتا

ومناسب بنظر اعضاءك بعد نجاحة بنسبة قليلة وبداية قيام موقعك اعملو ولا تتردد ................

بالنهاية بقول الله يوفق الجميع , ويوفقني وأدعولي بالنجاح والتوفيق ...............................

منتديات مملكة فلسطين