يابيـــــت..~
 

السلام عليكم ورحمة الله !!!
كيف الحال يالربع ؟؟؟


اليوم يايب لكم قصيدة كتبها الشاعر أحمد بن عايش المطيري !!!
وشال بها الشاعر صالح بن مانعة المري !!!


يابيت يوم أعني الرجل وآجيك...ماهو طرب ولاعجب في بناكا
بيتن قديم وظاهرك مثل خافيك..ولاعاد باقي فالمباني سواكا
شدو هلك وأخلوك وخلو ضواحيك...وذي حالتك في صيفك وفي شتاكا
حتى الفريق الي من اول حواليك...اليوم مامنهم حدن في ثراكا
يابيت يوم آقف وبالعين أراعيك...ما والله أدري إلى عيوني تباكا
أسرح بفكري يوم أشاهد مبانيك...ولو باتحاكا ماقدرت آتحاكا
يابيت دربن يتجه بي تواليك...كنه يشاركني عناي أشتراكا
يدله ضميري كل ماجيت أناصيك...وألقى وناسة خاطري في لقاكا
يابيت إلى مني تذكرت ماضيك...يزيد قدرك بالضمير وغلاكا
معمور يابيتن عشيري سكن فيك...وممطور ياقاعن عشيري مشاكا
عل المرزون الراعديات تسقيك...وتباشرك في صبحك وفي مساكا
شهر بلياليه لين تخضر أراضيك...ويصبح على أرضك للنبات أشتباكا
هذا وأنا يابيت ماني بناسيك...باتيك لو محدن من الناس أتاكا
وأظنك تعرف السبب ليه أنا أغليك...والعاشقين أسرارهم ماتخفاكا
لكن عن أسراري مايحتاج أوصيك...أنا برجا ربي وأنا في رجاكا


http://www.youtube.com/watch?v=gZ6iZaJGl48

وهذا رابط الشيلة !!! وايد حلوة ومأثرة وايد وايد !!!
والسموحة على القصور !!!

أخوكم: قحيطة !!!

سـلـمـتـي !!! والله يحيج إختي فتنة الكون وأنتو تستاهلو وزود !!! وأشكرج إختي على الرد الطيب !!!
جميل وايد هذا البيت !!! ويترك شي فصدرك وغصة لما تسمعه وخصوصاً لما تسمعه من الشلة !!!
إحساس مؤلم لما تترك بيت عشت فيه طول عمرك وتوقف على ذكرياته وماضيه !!!

أسرح بفكري يوم أشاهد مبانيك...ولو باتحاكا ماقدرت آتحاكا...
وحقيقة هذا الشيئ لما توقف عند الذكريات يعجز لسانك عن قول أي شيئ !!! وتخونك العبرات !!!
.
.
.