منتدى استراحات زايد - أحَاولْ أضحك وارتاح ولكنْ ايش يريحني..؟!

تدري وإلا ما تدري .. أنا عَاجِزْ عَنْ التدبير
تعَالْ وشُوفْ في عينِكْ غِيابكْ وشْ فعل فيني

حبيبي ما تركت عِندي صَبرْ. يتْحَمَّـلْ التأخير
رَحَلتْ .. وعِقبكْ الدنيا غلاها راح مِنْ قلبي

أقول للِّي يسْألني عَنْ أحوالي أقولْ بخير
وأنا لا خِير ببعادك .. ولا حَاجَه .. تسعدني

على حبك كِلْ لحظه .... ولا أحتاج للتذكير
حَريصْ القلب ما ينسَى حبك , لا توصيني

مَحَدْ يِقْدَرينسيني لأنِّكْ .... في فلبي غير
ومَهْمَا شِفتْ أنا السعد .. بدونِكْ ما يسليني

وكيف أخباري وشعلومي .. جَوابٍ ما يَبي تفسير
بدونِكْ إنتْ , ما تتونس حَياتي وترْمِشْ سنيني

مِثلْ طفلْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ غيابك .. أنا ويني

مِثلْ طيرٍ كِسَرْ ببغيابك جَناحَه وما قِدَرتْ اطير
أحَاولْ أضحك وارتاح ولكنْ ايش يريحني..؟!

أشُوفِكْ في صباحي إنتْ مَعْنَى يا صباح النور
وأشُوفِكْ في مَسَائي منام وردي .. لا تصحيني

تِصَدِّق .. السَهَرلونْ عيُوني واتقن ْ االتلوين
ويشِقْ النُور في صحيفة حياتي .. وما ألاقيني

أنامْ كيف ومشكلتي تعبت ألقى لَهَا تدبير
طِلَبتْ النُومْ .. أوقاته وعيَّا النُوم يعطيني

تغيَّر وجْهَي .. مِنْ أوَّل بعادك وإبْتِدَى التغيير
حبيبي .. مِنْ التَّعَبْ كافي خذيتْ اللِّي يكفيني

يا أعز مِنْ رَحَل عنِّي يا كِلْ الحُبْ والتقدير
أرجع ْ إنْ كان لِي عِندِكْ مَعَزَّه وكان تغليني

إذا كانْ الجِفا واجِبْ بدى مِنْ قلبي التقصير
أبيكْ الحِينْ .. تِرجَعْ لِي ولا تِرجَعْ تخليني

أنا ما أقولْ اللِّي صَار فِيني ما هقيته يصير
لأنِّي كِنتْ .. ( مِتأكِدْ ) .. بأنْ البُعد (ينهيييني)..