|
يتبع , جير قرموشة ( مزيون ) للبيع الحمدلله الحمد لله على قضاءه وقدره , والله يخلفنا خير منه . سبق وأن عرضت جير قرموشة للبيع , ولما شفت السوم نازل , حتى ماجاب راس ماله. قلت أنا أولى بالطير من غيري , خل أنقله , وبالفعل طير مبروك من أول يوم نقز على الدس , وانبسطت بسط الحقيقة وحطيت وكره الصبَّه وسط المجلس , وتعرفون يوم أربعاء وجمعة الأهل والأقارب , وقلت زين عشان يربَّ الطير مع الزحمة . المراد ماطول عليكم , ماطلعت من المجلس إلا والطير ميت على يدي . ولم أستطع أن أتمالك نفسي , وفاضت قريحتي بهذه الأبيات قال التميمي : قرموشتي ماتت علىى دسِّي الزين *** والحمد لله راضيٍ بالقنـــــــــــــاعه هذا القدر سنة حكيم الأكـــــــاوين *** ربٍّ له الأرباب تركع خضــــــــاعه والسوم نازل يابن الأجواد للحـين *** فالمنتدى يالله تزيد ارتفــــــــــــاعه قلت أنقل المبروك لجل الكراويـن *** وأركزت وكر الطير وسط الجماعه في مجلسٍ تقلط به اشيوخ للديـن *** صفوة تميم العز قومٍ منــــــــــــاعه بس اقلطو فينا أُناسٍ شيـــاطيـــن *** هم همهموا هرجٍ عجزنا سمــاعه والعلم كايد صكَّو الطير بالــعـيـن *** ثمٍّ تردى ماربحنا البضـــــــــــــاعه لمَّا تشهَّق قطَّعتني ســــــكاكيـــن *** ثمّ اذبحتني يوم شفت الــــــــوداعه والحمدلله عدِّ ماتثمر الــــــتيــــن *** والحمدلله كلّ حين وســـــــــــــاعه وسلامتكم يالمناعير ,,, |
| الساعة الآن 03:36 AM |
Powered by vBulletin® Copyright ©2000 - 2025, Jelsoft Enterprises Ltd.
Content Relevant URLs by vBSEO 3.5.2 TranZ By
Almuhajir