منتدى استراحات زايد - منهو تولع بالمقانيص ماتاب....

السلام عليكم ...
يالله حيهم جميع ..ويامرحبا ..وكل عام وانتم بخير بعد الزحمة..المعذرة ماعايدناكم في وقتها عزالله انا مقصرين في حقكم ياهل مكشات..
وهاذي قصيدة كتبتها في القنص ولاكملتها وقلت بنعرضها على شعارنا يعطونا رايهم وان كان يبونا نكمل كملنا .. :)

منهو تولع بالمقانيص ماتاب
دايم على ماقيل حب وحنيني

وكم مرةٍ نسمع من الناس عتَّاب
وانا بداخل عشق قلبي سجيني

لامن تخاوينا على طيب واصحاب
ناوين نقنص فالخلا مبعديني

يمَّ الدِّيار اللي بها كـل ماطـاب
نذكر بها وقتٍ مضى من سنيني

خضرا على مد النظر شوف الأعشاب
بقرى وحميضة وقرقاص زيني

وفيها ام سالم غردت تطرب اطراب
وتقول خوذوا صوت يالسامعيني

ومعنا حرارٍ فعلها يعجب اعجاب
ماصادت الا كود خربٍ سميني

وترانا على ماقال تلاميذكم لاتنسونا من ملاحظاتكم