منتدى استراحات زايد - موقف مضحك من شخص ولع في جحر ثعل اكل ضبان شبب

سلام الله عليكم يامكشاتيين
قبل فترة كنت امشي في البر وشفت لي شخص واقف وما حوله احد وقفت عنده قلت يمكن متعطل خل اساعده إلا الرجال متجهم ووجه احمر وعرقه يبش تقل نافورة
قلت وش السالفة يابن الاجواد وش فيك غضبان
قال شف هاللعين ابا الحصين وش مسوي ناظرت وشفت الشي اللي مضيق صدره
لقيت الثعل لاعب في الضبان والعكر مكومه حول جحره يعني كان يصيد ويأكل كل ما في الضب عدى العكره لانه ما يقدر عليها بسبب المضلعات
قلت له شفت لكن وش بتسوي فيه
قال الحين تشوف بعينك مشى لسيارته ونزل الهوز يبي يشفط بنزين ويحرق الثعل بجحره
قلت يارجال تعوذ من ابليس وخله عنك وهذا ينفع للتوازن البيئي
قال ما ني تاركه وفيني قهر لانه مثل ما انت شايف ما يأكل الا الضبان الشبب :D
يعني لو كان يأكل الكبار يمكن اسمح له :p
حاولت فيه ما كو فايده ومشيت وخليته وانا اضحك على هالموقف الذي لم اكن اتوقعه