رأيكم بخصوص - الدراسة الجامعية -
 

بسم الله الرحمن الرحيم





السلام عليكم ورحمة الله وبركاته




بعد العنا , والفرفره بين الجامعات ,, ابشركمـ - ما انقبلت - ,, :no:

المشكلة , ان فيه اقل مني دخلو , القدرات ما تجي 57 , والثنوي 77 ,
لكن انقبلو , عشان الواسطه

المهم معلينا منهم ,
{قل لَنْ يُصِيبَنَا إِلَّا مَا كَتَبَ اللَّهُ لَنَا}
- التوبة آية 51


بقولكم بعض الآراء ,, وابي رأيكم فيها ,,


1 - دخول جامعة الأمير سلطان .
الموانع لدخولها ,,
- لو بدفع 50 < عقب الشين طبعاً
ببتلش في السنوات الثانيه , +
وان قلت بدرس سنه وانقل يبيلها واسطه و يمكن بعد ما يحسبون لي السنه اللي درستها ,,
واذا درست سنه و طلبت ابتعاث داخلي ,, اذا جاء ,, يمكن ينزل المعدل وابتلش ,,
ويصير ما فيه حلول


2- الجامعة العربيه المفتوحه ,,
الموانع لدخولها
- يقولك لزم تدرش انجلش قبل لا تدخل ,, يعني تصير درجة البكلوريس 5 سنوات ' من غير السقوط والحركات الباقيه , + فرعهم اللي في الرياض , تقول مدرسه اهليه لا والمدرسه افضل منهم بعد , عمارتين مستاجره يمكن ما تعدا 2000 المساحه + يعني كنك منت في جامعه + مدري عن شهادتهم يمكن مهي معتمده !! , قلت لو آخذ لغه لها شهاده قالي ايه , قلت معتمده قال لا :crazy:

3 - آخذ سنه انجلش خارج السعودية - كندا - بريطانيا - امريكا
الموانع
الغربه :tears: و بعد ما اعرف شيئ في الغه غير yes or no وبعض الاشياء اللي ما توديني المطار اساساً ,,
+ الماده يمكن تكون التكاليف كثيره ,,
لكن ,, فيه ناس تقول ادرس على حسابك 3 شهور ,, وبإذن الله بيضمونك الملحقيه ,,

ادرس اللغه واكنسل , البعثه وارجع اكمل في جامعة سعوديه , هذا اذا قبلوني ,طبعاً
وبكذا تطرح علي اللغه ,, وكمل الباقي ,,


عطوني رأيكم في هذي الخيارات ,,

علماً بأني هذي 2 سنه عاطل ,,



والله الموفق